web counter
LEXO PA REKLAMA!

SHKARKO APP

Organizonin llotari të palejuara/ Procedohen penalisht pronarët e dy lokaleve

29 Shtator 2017, 12:36, Aktualitet CNA

Policia e Tiranës ka proceduar penalisht pronarët e dy lokaleve pasi akuzohen për veprën penale organizim i llotarive të palejuara.

Gjithashtu bëhet e ditur se janë sekuestruar 4 tavolina pokeri, 80 fisha pokeri, 5 pako letra bixhozi, një sasi lekësh dhe 1 DVR e kamerave të lokalit.

Policia njofton se janë proceduar penalisht shtetasit  E.D., 33 vjeç dhe S.R., 29 vjeç, të dy banues në Tiranë.

Procedimi penal është bërë pasi në rrugën ?Aleksandri i Madh?, në ambientet e brendshme të lokalit bar, në përdorim prej 33-vjeçarit E. D,, gjatë kontrollit të ushtruar janë konstatuar 10 shtetas duke luajtur poker në një tavolinë të përshtatur për lojëra fati. Sekuestrohet në cilësinë e provës materiale një tavolinë pokeri.

Në rrugën ?Mikel Maruli?, në ambientet e lokalit për lloto sportive, në përdorim prej 29-vjecarit me inicialet S.R., gjatë kontrollit të ushtruar është konstatuar aktivitet i kundraligjshëm i lojërave të fatit. Sekuestrohet në cilësinë e provës materiale : ? 3 tavolina pokeri ? 80 fisha pokeri ? 5 pako letra bixhozi ? 1 DVR të kamerave të lokalit ? një shumë lekësh.

Materialet iu referuan Prokurorisë së Rrethit Gjyqësorë Tiranë në ngarkim të shtetasve të lartpërmendur për veprën penale ?Organizim i llotarive të palejuara?, parashikuar nga neni 197 i Kodit Penal./ CityNews





Lajmet e fundit nga