Dështon fushata anti azilkërkuesve e policisë shqiptare/ Shqiptarët shans për azil në Bordo-Francë

29 Shtator 2017, 10:35, Aktualitet CNA

Pas ankesave pa fund të autoriteteve franceze, holandeze, gjermane, angleze, suedeze etj. qeveria shqiptare me zulmë e bujë urdhëroi Policinë e Shtetit të marrë masa të rrepta antitrafik. Ministri Bushati ca muaj më parë i premtoi ministrit të brendshëm francez Collomb se me masat e marra nga policia shqiptare azilkërkuesit shqiptar nuk do të ishin më problem për Francën! Faktikisht kjo fushatë anti azilkërkues e policisë sonë ka dështuar me sukses të plotë. Për të ilustruar këtë dështim do të ofrojmë një cikël shkrimesh me fakte dhe prova. Në shkrimin e më poshtëm do të ofrojmë dy fakte nga burime të hapura informacioni franceze.

Fakti 1:

Në shkrimin e parë duke zbatuar parimin: Një foto flet sa një mijë fjalë do ofrojmë një fakt të ri për këtë dështim. Në Sheshin 1 Maji të qytetit francez Clermond Ferrand azilkërkues shqiptarë të porsa mbërritur nga Republika e Shqipërisë dhe nga Kosova Lindore (aktualisht nën okupacioni serb) kanë ngritur tenda këtë fund shtatori. Ata janë në pritje të një përgjigje për kërkesat e tyre për azil të sapo rregjistruara pranë autoriteteve kompetente franceze. Me sa duket masat anti azilkërkues të policisë shqiptare na paskan dështuar! Për më shumë në linkun: https://www.francebleu.fr/infos/societe/clermont-ferrand-de-nouveaux-migrants-place-du-1er-mai-1506611260

Fakti 2:

Azilkërkuesit shqiptarë në Francë në bashkëpunim me azilkërkues të etnive të tjera po rrisin presionin ndaj autoriteteve franceze duke u shkaktuar telashe të paparashikuara.

Në qytetin e Bordosë azilkërkuesit shqiptarë bashkë me azilkërkues të etnive të tjera po kalojnë në akte ekstreme me qëllimin e mirë për t?i detyruar autoritetet franceze tu pranojnë kërkesat për azil. Gjatë muajve gusht-shtator në Bordo përfunduan në spital dy azilkërkues, që tentuan vetëvrasjen me pirje helmi dhe prerje damarësh. 7 azilkërkues të tjerë hynë në grevë urie të përkrahur nga një numër OJF-sh franceze, që janë të fokusuara në problematikën e azilkërkuesve. Të tilla telashe realisht po ua sjellin mendjen vërdallë autoriteteve franceze.Ka shumë mundësi që për të evituar telashe të tjera autoritet franceze të zbythen e tu japing statusin e azilantit këtyre azilkërkuesve (përfshirë edhe ata shqiptarë) në Bordo. Për më shumë në linkun: https://npa2009.org/actualite/antiracisme/migrants-greve-de-la-faim-au-cra-de-bordeaux/ CityNews

Nga Gjergj Thanasi