E fundit!

16:58 Aktualitet

Akuzat e Ballës për vilën/ Reagon Shehaj: E ka dërguar Rama

Kreu i Partisë “Mundësia”, Agron Shehaj ka reaguar pas aku...

Komisari i dënuar me burg në Itali/ Nisin hetimet për fshehjen e urdhër-arrestit të Interpolit

29 Shtator 2017, 08:37, Aktualitet CNA

Pas arrestimit dhe publikimit të lajmit se Komisari i Policisë së Shtetit, me emër të dubluar Dritan, Arjan, Xhindoli, rezultonte i kërkuar nga Interpoli qysh prej vitit 2013, pasi ishte i dënuar me 10 vite burg nga Gjykata e Apelit të Bolonjës, Itali, raportohet se një hetim i ri ka nisur lidhur me këtë çështje.

Sikurse konfirmojnë burime zyrtare të Policisë së Shtetit, struktura që ka nisur investigimin është Shërbimi i Çështjeve të Brendëshme dhe Ankesave (SHÇBA), kurse pjesa që po hetohet lidhet me fshehjen e shkresës që Interpoli i kishte adresuar homologut të tij shqiptar. Nëpërmjet të cilës kërkonte zbulimin dhe arrestimin e shtetasit shqiptar Dritan Arjan Xhindoli. Gjë që për katër vite nuk u bë e mundur, madje nga i kërkuar ndërkombëtarisht Xhindoli ja doli të bëjë karrierë në Policinë e Shtetit, duke arritur të marrë gradën e lartë ?Komisar? dhe të ish kandidat për tu graduar ?Kryekomisar? . Si, qysh, i stimuluar nga kush?

Pikërisht këtyre pyetjeve pritet ti jap përgjigje SHÇKBA me hetimin e nisur që do verifikoj shqyrtimin e të gjitha procedurave të ndjekura nga Interpol Tiranë-Interpol Italia, por dhe Drejtoria e Përgjithëshme e Policisë së Shtetit.

Pasi ka dyshime të arsyeshme se procedura e fshehjes së urdhër-arrestit ndërkombëtar të jetë bërë në mënyrë të qëllimshme dhe po e njëjta dorë të ketë stimuluar emërimin e të dënuarit Xhindoli në funksione të rendësishme. Ku më i fundit ishte ai i zvendësdrejtorit të Kufirit në Vlorë.

“Më datë 21 shtator është bërë arrestimi i i përkohshëm, me qëllim ekstradimi drejt Italisë, i shtetasit D.XH.,39 vjeç, banues në Durrës, i shpallur në kërkim nga zyra Qendrore e Interpol Tirana pasi Gjykata e Apelit në Bolonja, më vendimin Nr. 460/2013-R, dt.15.02.2013, e ka dënuar me 10 vite burg për veprat penale?Vjedhje? dhe ?Falsifikim i dokumentave?, shkruhet në komunikatën zyrtare të Policisë së Shtetit./ CityNews