web counter
LEXO PA REKLAMA!

SHKARKO APP

App Store
Google Play

E fundit!

x

Genc Ruli/ Ju tregoj traumat brenda PD-së

29 Shtator 2017, 13:31, Aktualitet CNA

I ftuar në emisionin ?360 gradë” të Artur Zhejit në televizionin Ora News, ish-deputeti i Partisë Demokratike, Genc Ruli është shprehur se PD po vuan nga tre trauma.

Sipas Genc Rulit trauma e parë për Partinë Demokratike ishin zgjedhjet e para pas një lideri mbi njëzet vjeçar karizmatik i cili konsiderohej i pakonkurueshëm.

Ruli ka deklaruar se ?Lideri që do të dilte të vinte të paktën i legjitimuar. Unë pa e fshehur kam qenë për Olldashin, sepse ai duke e lexuar mirë projeksionin  dhe angazhimin e Berishës për të fituar Basha ndërmori atë sfidë. Unë isha kundër atij lloj procesi. Doja të lihej një garë e hapur, ku të kishte disa kandidatura dhe PD do të përgatitej për epokën e re, pa liderin e saj historik.?

Një traumë tjetër brenda Partisë Demokratike, ishte se sipas Rulit pas zgjedhjes së Bashës në krye të PD, ai ishte i vetmi autoritet legjitim brenda partisë.

?Kur Basha fitoi i kemi dhënë dorën, uruar por që atë ditë e prapa, kur hymë në procesin e dytë brenda PD-së, (zgjedhjet brenda PD gjashtë muaj më pas )ishte: I vetmi autoritet legjitim në PD është Lulzim Basha të tjerët janë ilegjitimë. Ne nga erdhëm?! Nga ferrat?!?- deklaroi Ruli.

Ndërsa trauma e fundit për Partinë Demokratike, sipas Rulit ishin zgjedhjet e fundit.

Ruli është shprehur se ? Nëse të parën e quajmë dramë, të fundit ishin farsë. Na shpiku një term ?ngrirje?. Demokracia nuk luhet me hile. O luhet ose dhunohet haptazi.?

Gjithashtu Ruli është shprehur se në zgjedhjet për kryetar, Basha duhej të mbante një qëndrim shumë më dinjitoz./ CityNews





Lajmet e fundit nga