web counter
LEXO PA REKLAMA!

SHKARKO APP

App Store
Google Play

Vodhën 360 litra naftë/ Arrestohen tre punonjësit e TAP

29 Shtator 2017, 14:49, Aktualitet CNA

Polica e Korçës ka përfunduar më sukses operacioni policor i koduar ?DIEZEL 3?. Arrestohen në flagrancë nga Policia, tre roje të një Shoqërie Private të Ruajtjes e Sigurisë Fizike, të cilët duke shpërdoruar detyrën, në kohë të ndryshme, kanë vjedhur karburant në mjetet e gazsjellësit ?TAP?. Armand Bregu,30 vjeç, banues në Dvoran të Korçës, Marinel Demçe,  33 vjeç,  banues në  fshatin Shtyllë të Korçës dhe Semi Llomi , 23 vjeç banues në Dvoran Korçë , këta shtetas në kohë të ndryshme, kanë abuzuar me detyrën duke vjedhur sasi të konsiderushme karburanti (naftë) nga depozitat e mjeteve të tonazhit të rëndë në pronësi të një firme të kontaktuar nga gazsjellësi TAP, e cila kryente punime në zonën e fshatit Shtyllë dhe Vithkuq. Sasia e vjedhur e karburantit iu shitej më pas, personave të tjerë prej tyre.

Në kuadër të këtij operacioni filloi gjithashtu procedimi penal në gjendje të lirë edhe ndaj shtetasit : E.Z, 25 vjeç, banues në Korçë  i cili duke qenë në dijeni ka marrë prej shtetasve të mësipërm, në vazhdimësi sasinë e karburantit të vjedhur, duke i’a u shitur atë personave të tretë me qëllim përfitimi. Policia sekuestroi një sasi prej 360 litra naftë dhe një mjet fuoristradë tip ?Mitsubishi? të cilat  kaluan Prokurorisë të Rrethit Gjyqësor Korçë për veprat penale : ?Vjedhja e kryer duke shpërdoruar detyrën? dhe ?Përvetësimi i parave ose mallrave që rrjedhin nga vepra penale?/CityNews

 

https://www.facebook.com/messages/t/elvi.fundo





Lajmet e fundit nga