web counter
LEXO PA REKLAMA!

SHKARKO APP

Vasili shpërthen keq ndaj mazhorancës/ Duan vetëm t’i bien legenit me dëgjesa!

29 Korrik 2017, 15:34, Aktualitet CNA

Kreu i Grupit Parlamentar të LSI, Petrit Vasili ka ironizuar kryeminsitrin Edi Rama dhe deklaratat e tij gjatë dëgjesave publike.

Nëpërmjet një postimi në rrjetet sociale, Vasili i konsideron sjelljet e mazhorancës si parazitizëm shtetëror, agjitacion e propagandë dhe impotencë për t’u dalë zot punëve.

Postimi i plotë:

?Këta të qeverisë duan t’u bëjmë opozitë, t’ua japim edhe zgjidhjet edhe t’i zbatojmë po ne, ndërsa këta vetëm do t’i bien legenit me facebook e me dëgjesa.

Këto përrallat e këtyre të maxhorancës kanë tre emra:

1.Parazitizëm shtetëror,

2.Agjitacion e propagandë

3.Impotencë për t’u dalë zot punëve

Tani kryeministri i vërtetë erdhi, ai po e bën helaq me të drejtë kryeministrin Rama nëpër dëgjesa, pasi i ka bërë punët për dreq.

Maxhoranca e ka kryeministrin e ri dhe le të çlirohet nga Rama, që i paska nxirë faqen, le të mos ta bëjnë këtë vetëm ata që po presin e po shtërzojnë për t’u bërë ministra?, shkruan Vasili./CityNews





Lajmet e fundit nga