E fundit!

22:15 Aktualitet

Aksident me një viktimë në autostradën Vlorë-Fier

Një aksident rrugor me një viktimë ka ndodhur mbrëmjen e s...

Çadra, votimi për Lulzim Bashën dhe protesta përpara Bashkisë

29 Korrik 2017, 13:49, Aktualitet CNA

Për gati 90 ditë Partia Demokratike u ngujua në një çadër përpara kryeministrisë. Një çadër proteste, ku Basha çdo ditë deklaronte se do të luftonte estabilishmentin dhe nuk do të largohej që atje pa siguruar votën e lirë e pa rrëzuar Edi Ramën.

Në fakt Ramën nuk e rrëzoi, por mori gjysmën e qeverisë, hyri në zgjedhje dhe humbi. Por përtej fakteve, çadra ka edhe një aspekt tjetër, i cili duhet të krahasohet me rizgjedhjen e Lulzim Bashës në krye të PD, si dhe protestën që është zhvilluar dje nga Partia Demokratike përpara Bashkisë së Tiranës.

Një çadër, ku nuk shkonin dot më shumë se 100-150 vetë në ditë, prandaj detyroheshin të vinin nga rrethet me dhjetëra demokratë, me miliona lekë shpenzime.

Nga çdo cep i Shqipërisë me një grafik të paracaktuar nga Konispoli deri në Vermosh, nga Kukësi deri në Vlorë, çdo ditë zbatohej grafiku me furgona apo autobusë, militantë të ndryshëm vinin për të mbajtur çadrën hapur pas mesnatës.

Nga Tirana kishte shumë pak njerëz, përjashto ditët e para, ku mund të kishte 200 apo 300 vetë në çadër, çdo ditë tjetër nuk mund të kishte 100 apo 150 vetë.

Por çfarë rezulton? Pjesemarrja më e madhe dhe koha më e zgjatur e protestës ishte kur tek çadra shkonte Lulzim Basha, por edhe ai moment nuk kishte më shumë se 200 veta mesatarisht.

Sot rezulton që më 22 korrik, ditën e zgjedhjes së Lulzim Bashës në krye të PD, në njësitë pra deget e Tiranës kanë votuar të paktën 20 mijë demokratë.

Ndërkohë që në çadër nuk mblidheshin më shumë se 200 vetë në ditë, në Tiranë në një ditë për 11 orë votuan 20 mijë vetë. E në rast se këta 20 mijë vetë do të kishin qëndruar vetëm një javë në çadër, qeveria do të kishte rënë vërtetë. Ku ishin kur ishte cadra? Apo skanë qene as nëvotim?

Përtej pyetjeve sjellim edhe një detaj tjetër, apo më shumë një fakt të ndodhur dje në kryeqytet. Në orën 18:00, Partia Demokratike kishte njoftuar një miting proteste, përpara Bashkisë së Tiranës, për rritjen e çmimit të ujit.

Fotot flasin vetë dhe ato janë më poshtë, nuk ka më shumë se 20 apo 30 vetë në protestë, ndërkohë që Basha na thotë që për të në 22 korrik kanë votuar 20 mijë vetë.

E në rast se do të kishin dalë 20 mijë vetë sërish dje përpara Bashkisë së Tiranës, aq sa ishin ?besnikë? të Lulzim Bashës në një proces fals dhe të manipuluar, ndoshta Erion Veliaj mund të kishte ikur nga detyra e kryebashkiakut dhe nuk do të guxonte t?i shkonte ndërmend e jo më të vuloste rritjen e çmimit të ujit në kryeqytet.

Pra janë dy argumente të tjera sot që rrëzojnë Lulzim Bashën nga kryetar i Partisë Demokratike, së pari çadra dhe së dyti protesta e djeshme. Në të dyja rastet nuk ka më shumë se 300 mbështetës.

Dje personat numëroheshin me gishtat e dorës, por me 22 korrik, Bashën në Tiranë e kanë votuar rreth 22 mijë demokratë.

Çfarë paradoksi dhe hipokrizie, faktet flasin të kundërten e asaj që ka shfaqur Jemin Gjana me shifra, të cilat quhen zyrtare, por në fakt e vërteta qëndron te çadra dhe protesta e djeshme./CityNews