Ekstradimi i Ballist Morinës në Serbi/ Rezultat i marrëveshjes Rama-Vuçiç

29 Korrik 2017, 12:59, Aktualitet CNA

Ish-kryeministri Sali Berisha në një postim në rrjetet sociale ka deklaruar se ekstradimi i Ballist Morinës ka ardhur si rezultat i marrëveshjes Rama-Vuçiç. Sipas tij kjo ka qenë çështja e parë që e takimit mes Ramës dhe kryeministrit të Serbisë.

Ai u bën thirrje autoriteteve kroate të shqyrtojnë këtë vendim të padrejtë dhe u ka kërkuar nga organizatat botërore të të drejtave të njeriut që të ndërhyjnë për lirimin e të burgosurit politik, Ismail Morina.

Statusi i plotë:

Ballist Morina, ylli i tifozeris shqiptare dhe botërore tashmë i burgosuri politik numër 1 i Ballkanit!

Ai është viktimë e takimit kokë më kokë Rama – Vuçiç!
Të dashur miq, këto ditë, një gjykatë kroate, me absurditet absolut ka vendosur të ekstradojë pa asnjë shkak ligjor në Beograd simbolin e tifozëve kuq e zi por dhe njeriun simbol të tifozëve paqësor në botë; Ballist Morinën.

Ky është sot i riu më i persekutuar, më i ndjekur në Ballkanin e mbushur me kriminelet më të rrezikshëm të të gjitha llojeve dhe që qarkullojnë të lirë edhe në zyrat kryesore shtetërore. Ndërkohë që krimi i tij i vetëm, ishte lëshimi i një droni me banderolën e një harte sui generis dhe portretet e Ismail bej Vlorës dhe Isa Buletinit mbi stadiumin e Beogradit gjatë ndeshjes midis kombëtareve të Shqipërisë dhe Serbisë.

Me këtë akt historik, i riu Ballist Morina i bëri një shërbim të madh paqes. Ai i tregoi mbarë botës se cilat janë përmasat e vërteta të primitivizmit të nacionalizmit serb, ndaj dhe ai u bë pa mëdyshje star i tifozerisë botëtore.

Ballist Morina ishte çështje e parë e takimit kokë me kokë Rama – Vuçiç, në të cilin Vuçiç i kërkoi Ramës arrestimin dhe ekstradimin e tij në Beograd si hellin e nacionalisteve të Beogradit dhe si shpërblim për këtë hoqi Olsi Ramën nga rrethi i kuq që Beogradi e kishte vendosur pas kësaj ndeshje. Pas këtij takimi fillon kalvari i ndjekjes së egër e Ballist Morinës.

Edi Rama, siç i kishte premtuar Vuçiçit, do të arrestonte Ballistin në Tirane para zhvillimit të ndeshjes së kthimit Shqipëri – Serbi në Elbasan, sikur të ishte ndonjë terrorist.

Arrestimi i tij pa asnjë shkak real u bë me qëllim ekstradimin e tij në Beograd, por, reagimi i fortë i publikut dhe simpatia e madhe në tifozerinë botërore e tij, detyruan Ramën të heqë dorë nga ky akt antinjerëzor dhe antikombëtar.

Natyrisht kalvari i Morinës në përputhje me marrveshjen Rama-Vuçiç vazhdonte. Atë e ndiqnin në emër të serbomadhise tre shtete të Ballkanit; Serbia, Shqipëria dhe Maqedonia. Më në fund, me kombinime të turpshme të fshehta dhe ndërhyrje të dënueshme, Edi Rama arriti që, me vendimin absurd te një gjykate të një vendi mik, të hedhë në gojën e ultranacionalisteve serb, siç kishte premtuar Vuçiçit, të riun Ballist Morina, duke e shndërruar kështu yllin e tifozerisë botërore në të burgosurin politik numër një të Ballkanit!

Duke dënuar me forcë të gjitha kurthet dhe inskenimet politike ndaj të riut Morina, u bëj thirrje autoriteteve kroate të rishqyrtojnë këtë vendim të padrejtë. Ju bëj të gjithë organizatave ndërkombëtare të të drejtave të njeriut si dhe institucioneve ndërkombëtare si OSBE, Këshillit të Europës, Parlamentit Europian, të bëjnë gjithçka që i burgosuri politik Ismail Morina të lirohet menjëherë! sb/CityNews