E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Rama si Enveri, takime me masat

29 Korrik 2017, 10:04, Aktualitet CNA

Ditët e fundit, kreu i qeverisë ka filluar të duket pak a shumë si diktatori Enver Hoxha. Gju me gju me popullin, takon masat, dëgjon zërin e tyre dhe sipas parimit të atëhershëm, ç?thotë populli bën partia, Rama duket se këtë e ka kthyer tashmë në kriter.

Në një aktivitet zyrtar në kryeministri, dje ai kishte thirrur dhe po dëgjonte punonjësit e talentuar të administratës, më të suksesshmit e saj, apo më të zotët e saj.

Në fakt askush nuk e di se cilët janë punonjësit më të shkëlqyer të administratës, as më të zotët të saj, Kjo sepse nuk ka ende një mënyrë të qartë dhe ligjore se si vlerësohet punonjësi më i kualifikuar, më i ndershmi, më profesionisti në administratë.

Në fakt në përfundim nuk ngeli gjë tjetër, veçse një show, ku rreth 50 veta u prezantuan si njerëzit që ishin suksesi i qeverisë dhe ata vlerësoheshin në takim nga udhëheqësi.

Dikur më ?mirët? punonin për planet 5 vjeçare, kishte nga ata që atëherë punonin për vitin 2020. Mëgjithëse vitin 2020 ende s?ka arritur në vitin ?80 ka pasur njerëz që punonin për vitin 2020.

Kështu ishin edhe ata dje, ata që punonin për të ardhmen dhe ishin në krah të udhëheqësit, kështu ka ndodhur edhe në kohën e diktaturës.

Sot përsëritet në të njëjtën formë, ka ndërruar thjesht mënyra e interpretimit publik dhe e sjelljes. Nëse atëherë shoku Enver dëgjonte masat, shoku Edi dëgjon disa përfaqësues të administratës.

Çfarë thoshte populli bënte partia dhe atëherë me vrap kush të mundej dhe si të mundej t?i turrej dhe të godiste përpara në emër të partisë.

Bëheshin mbledhje masash dhe të gjithë diskutonin, shanin inxhinierët, drejtuesit, profesionistët, sepse partia të shante e të kryqëzonte.

Të njëjtën gjë bëri udhëheqësi, por jo diktatori, dje e bëri Edi Rama. Thirri masat dhe po i dëgjonte, ka filluar t?i dëgjojë të gjithë me rradhë, shkon e kryqëzon njerëzit nëpër mbledhje, a thua se ky ka shpatën e Demokleut.

Në fakt ai është kryeministri i zgjedhur i vendit, por edhe kryeministri ka ligje dhe rregulla. Askush nuk mund të emërohet dhe të shkarkohet sepse do Edi Rama.

Askush nuk mund të emërohet dhe të shkarkohet sepse e akuzon dikush drejtëpërdrejt në takim me Edi Ramën.

Shteti dhe ka ligje dhe rregulla, të cilat duhen respektuar dhe nuk veprohet në 2017, ashtu si dikur vepronte diktatori Enver Hoxha, Partia e Punës dje. Duke mbledhur masat dhe duke kryqëzuar, këdo që kishte vënë në rreth të kuq.

Tashmë ka një mënyrë tjetër, udhëheqësi Rama ulet në gju më gju me popullin, një qytetar thotë një fjalë dhe një drejtor shahet, një tjetër i kërkohet të shkarkohet, disa drejtorëve hipotekash u drejtohet të japin dorëheqjen. Megjithëse Edi Rama ka qenë kryeministër edhe në katër vitet e shkuara dhe njeriu që i ka emëruar në këto katër vite ka qenë Edi Rama, nuk ka qenë askush tjetër.

Këto lëvizje populiste të Edi Ramës, ndoshta në opinion publik ngjitin së tepërmi, ndoshta qytetarëve shqiptarë u pëlqen që njerëzit të shkarkohen nga detyra se ata nuk ua kanë hapur derën. Ndoshta u pëlqen që kryeministri Edi Rama po largon nga detyra drejtorët e korruptuar, por a nuk ishte ky kryeministër 4 vite më këta drejtorë?

Më pas mund të themi edhe një detaj tjetër. Ku ndodh, në cilin vend perëndimor apo vend europian ku duam të shkojmë, që kryeministri del, i mbledh njerëzit, i dëgjon dhe u bën gjyqin drejtuesve të tij.

Por a mund të ndodhë kjo? Kjo është ashtu siç thamë më lart si në kohën e diktaturës. Si mund t?u bësh gjyqin drejtuesve dhe bashkëpunëtorëve të tu, personave që t?i i ke emëruar dhe u ke besuar menaxhimin e institucioneve?

Në rast se ka një dështim, së pari kjo i takon kryeministrit, përgjegjësia është e tij dhe më pas është e drejtuesve të institucioneve në bazë.

Pra përpara se Edi Rama t?u bëjë gjyqin, t?i shkarkojë, t?i indimidojë dhe t?i turpërojë në opionin publik do të duhet të bëjë një llogari. Pse i ka marrë dhe pse i ka emëruar dhe pse ka dështuar me ata drejtues.

Lëvizjet e tij, pra të kryeministrit tonë, i cili ngjason shumë sot në këto aktivitete me takimet e djeshme të sistemit të shkuar komunist, edhe njëherë u ktheu në vëmendje shqiptarëve faktet, se reminishencat e diktaturës bindjet dhe sjelljet si të asaj kohe ende nuk janë larguar.

Edi Rama i shfaq çdo ditë, shqiptarët i shohin çdo ditë, shumë prej tyre i qeshin, shumë prej tyre u vjen mirë, por në fakt ajo që po ndodh është sa qesharake, aq edhe e turpshme. Edi Rama po tallet me shqiptarët, por këtë herë gju më gju me popullin./CityNews