web counter
LEXO PA REKLAMA!

SHKARKO APP

App Store
Google Play

Goditën krushkun me mjete të forta në kokë/ Prangosen dy korçarët, emrat

29 Korrik 2017, 15:13, Aktualitet CNA

Policia e Korçës ka vënë në pranga dy persona pasi, në bashkëpunim mes tyre, kanë plagosur me mjete të forta krushkun e tyre.

Nga njoftimi i policisë, bëhet me dije se janë arrestuar shtetasit Petrit Çaushllari, 47 vjeç, si edhe djalit të tij dhe Emiljano Çaushllari, 21 vjeç, të dy banues në fshatin Buçimas-Pogradec.

Gjitashtu mësohet se sherri ka nisur për motive të dobëta dhe më pas ata kanë goditur me mjete të forta në kokë dghe trup shtetasin  P.B, 60 vjeç, si edhe djalin e tij S.B, 26 vjeç, në banesën e këtyre të fundit.

Njoftimi i Policisë:

Korçë

Policia arreston në flagrancë dy shtetas (at e bir) pasi në bashkëpunim mes tyre, plagosën rëndë me mjete të forta krushkun e tyre.

Specialistët e Sektorit për Krimet e Rënda në Drejtorinë Vendore të Policisë Korçë, bënë kapjen dhe arrestimin në flagrancë të shtetasve :

Arrestimi i tyre u bë pasi më datë 28.07.2017, dy shtetasit e lartpërmendur, në fshatin Dërsnik- Korçë, pas një konflikti për motive të dobëta, kanë goditur me mjete të forta në kokë dhe trup, shtetasit P.B, 60 vjeç, si edhe djalin e tij shtetasin S.B, 26 vjeç, në banesën e këtyre të fundit.

Nga hetimet e kryera rezulton se autorët e dyshuar të ngjarjes, kanë lidhje krushqie me dy të plagosurit, pasi vajza e Petrit Çaushllarit është nusja e djalit të shtetasit P.B dhe kunata e S.B.

Shtetasi P.B, aktualisht ndodhet në Spitalin Rajonal të Korçës, nën kujdesin intensiv të mjekëve.

Katër shtetasit e mësipërm dyshohet të jenë përfshirë në këtë konflikt fizik mes tyre pas një debati për motive të dobëta, kryer midis shtetasit P.B dhe nuses të djalit të tij.

Materialet i kaluan Prokurorisë të Rrethit Gjyqësor Korçë për veprën penale : “Plagosja e rëndë me dashje, kryer në bashkëpunim” parashikuar nga nenet 88/2 dhe 25 të Kodit Penal./CityNews





Lajmet e fundit nga