E fundit!

13:59 Politikë

Berisha merr në mbrojtje Shehajn: Tano Caridi, lule para Ballës, shkuarja te vila, akt i turpshëm

Kreu i PD-së Sali Berisha ka marrë në mbrojtje Agron Sheha...

Bashkëpunëtorët e shërbimit sekret komunist, në Parlamentin e ri

29 Korrik 2017, 17:21, Aktualitet CNA

Në përbërje të njëqind e dyzetë deputetëve të Parlamentit të ri, që pritet të nisë punën në muajin shtator, ka ish bashkëpunëtor të shërbimit sekret komunist i njohur si Sigurimi i Shtetit. Konfirmimin e këtij fakti e bën Shoqata Antikomuniste e të Përndjekurve Politike të Shqipërisë.

Në një letër drejtuar znj. Gentiana Sula, kryetare e Autoritetit për Informim mbi Dosjet e Sigurimit te Shtetit, kreu drejtues i shoqatës, Nebil Çika, i kërkon znj. Sula informacion zyrtar për 140 deputetet e rinj te Kuvendit te Shqipërisë, të dalë nga zgjedhjet e 25 qershorit 2017, në lidhje me implikimin apo jo te tyre me ish Sigurimin e Shtetit apo institucione te tjera te dhunës politike gjate diktaturës komuniste .

?Në bazë të ligjit mbi te cilin vepron institucioni juaj keni detyrimin te na informoni ne dhe opinionin publik për implikimin apo jo te ligjvënësve tanë me ish Sigurimin e Shtetit dhe krimet e komunizmit . Informacioni qe ne po kërkojmë është me rendësi te veçante pasi ka lidhje me te shkuarën kriminale të shtetit shqiptar dhe me shume për te tashmen dhe te ardhmen e popullit dhe kombit tone?, lexohet ndër të tjera në letrën zyrtare. Nga përmbajtja e të cilës mësohet se megjithë ekzistencën e ligjit të dekriminalizimit dhe të hapjes së dosjeve, ende nuk është arritur të ndalet depërtimi i pjesëtarëve apo bashkëpunëtorë të Sigurimit te Shtetit, armës me kriminale të komunizmit. Të cilët ja kanë dalë të depërtojnë edhe në këtë Parlament të ri të dalë nga zgjedhjet e 25 qershorit 2017.?Ne kemi te dhëna e dyshime të dokumentuara dhe nga dëshmitarë, që një pjese e tyre janë pjese apo bashkëpunëtor të Sigurimit të Shtetit?, shprehet shoqata Antikomuniste në letrën drejtuar Autoritetit për Informimin e Dosjeve, duke dëshmuar më së miri se as ligji i dekriminalizimit dhe as ai i hapjes së dosjeve nuk kanë qenë efiçentë për të zgjidhur problemin e madh të pastrimit të institucioneve të larta shtetërore, nga ata që i kanë hapur plagë të renda shoqërisë shqiptare. /CityNews