web counter
LEXO PA REKLAMA!

SHKARKO APP

App Store
Google Play

E fundit!

x

600 milionë euro dëm ekonomik-Deputetja e PD “tallet” me Ramën/ Me siguri do thuash se fajet i ka roja

29 Korrik 2017, 18:03, Aktualitet CNA

Deputetja e Partisë Demokratike, Dhurata Çupi ka bërë së fundmi një postim në rrjetet sociale, ku denoncon vjedhjet që, sipas saj, po bëhen në Dogana, Tatime dhe Prokurime.

Ajo ka shkruar se në një kohë kur Kontrolli i Lartë i Shtetit ka deklaruar 600 milionë euro dëm ekonomik, Edi Rama bën shoë me administratën e tij.

Postimi i plotë:

?Miliona euro vidhen ndërsa Kryeministri bën shoë me administratën e tij.

Një raport i Kontrollit të Lartë të Shtetit konstaton se gjatë auditimit të Doganave , Tatimeve dhe Prokurimeve, janë gjetur 600 milion euro dëm ekonomik. Ndërsa miliona e miliarda vidhen , kryeministri me buzën vesh më vesh kuvendon me administratën e tij dhe dëgjon talentet e kësaj hajdutërie të parave të shqiptarëve.

Është momenti për reagim e reflektim.

I sygjeroj KLSH të dëgjojë Kryeministrin por edhe ta pyesë se :

Ku kanë vajtur miliona euro ? Kush i mori? Ku u investuan ? Kush ka përgjegjësi dhe kush do përgjigjet per lekët e shqiptarëve që burgosen nëse nuk kanë mundësi të paguajnë energjinë elektrike ?

Me siguri kryeministri do ta gjejë një përgjigje e me siguri do të thotë se fajet i ka roja e institucionit dhe duhet larguar menjëherë nga detyra.

Katër vite të zymta kaluan për shqiptarët edhe katër të tjerë nuk janë shpresëdhënës .

Duhet reagim dhe kërkesë llogarie. Përgjegjësit e vërtetë duhet japin llogari para institucioneve dhe drejtësisë për këto abuzime të rënda për vendin?, shkruan Çupi./CityNews





Lajmet e fundit nga