web counter
LEXO PA REKLAMA!

SHKARKO APP

App Store
Google Play

Veliaj nis procedimin ndaj protestuesve të PD/ "Acarohet" Basha: Kryevegla e Ramës ...!

28 Korrik 2017, 20:34, Aktualitet CNA

Kryetari i Partisë Demokratike, Lulzim Basha, ka reaguar sërish mbi rritjen e çmimit të ujit të pijshëm, vendim i Bashkisë së Tiranës që shkaktoi mjaft debate politike.

Përmes një statusi në rrjetet sociale, Basha shkruan se Rama dhe vegla e tij Veliaj kanë kërkuar procedim penal kundër qytetarëve që ngritën zërin para bashkisë për çmimin e ujit.

Më tej, ai sulmon Veliajn, duke thënë se nuk ka dhënë akoma llogari në Prokurori për vrasjen e Ardit Gjoklajt dhe shfrytëzimin skllavëror të fëmijëve.

Ja deklarata:

Edi Rama dhe veglat e tij në krye të Bashkisë Tiranë kanë kërkuar procedim penal kundër qytetarëve që ngritën zërin para bashkisë ndërsa ata ngritën në mënyrë kriminale çmimin e ujit. Rama e di që ka vetëm një mënyrë për të plaçkitur dhe për të dhunuar një vend: shuarja e çdo zëri kritik dhe persekutimi i çdo kujt që guxon të shprehet dhe veprojë kundër. Prandaj ai po përdor kundër qytetarëve kryeveglën e tij në Tiranë, i cili vetë akoma nuk ka dhënë llogari në prokurori për vrasjen e Ardit Gjoklajt dhe shfrytëzimin skllavëror të fëmijëve për të mbushur xhepat e tij dhe klientëve të tij. Është përpjekje e dëshpëruar e njerëzve të zhytur në të keqe për të ngjallur frikë tek populli i tyre.
Dua t?u them qytetarëve se nuk duhet të tremben, sepse janë më të fortë se çdo regjim dhe çdo qeveri. Ju bëj thirrje të gjithë qytetarëve të ngrenë zërin dhe të reagojnë ndaj këtij veprimi burracak kundër njerëzve të lirë dhe të drejtave të tyre./CityNews





Lajmet e fundit nga