web counter
LEXO PA REKLAMA!

SHKARKO APP

App Store
Google Play

Senati sfidon presidentin Trump/ Miraton sanksionet ndaj Rusisë

28 Korrik 2017, 18:48, Aktualitet CNA

Senati i Shteteve të Bashkuara të Amerikës, pothuajse në mënyrë unanime, ka votuar në favor të legjislacionit për forcimin e sanksioneve të ashpra kundër Rusisë, duke e vënë presidentin, Donald Trump, para dilemës, meqë ai synon përmirësim të raporteve me Rusinë.

Në favor të legjislacionit votuan nëntëdhjetë e tetë senatorë, ndërsa kundër vetëm dy. Me këtë masë forcohen sanksionet ekzistuese kundër Rusisë, për ndërhyrjen e dyshuar në zgjedhjet presidenciale amerikane dhe për agresionin në Ukrainë. Po ashtu, penalizohet intervenimi i ushtrisë së Rusisë në Siri dhe kërkohet që presidenti Trump të kërkojë miratim të Kongresit për lehtësimin eventual ose tërheqjen e tyre.

Në reagim të faktit, Shtëpia e Bardhë tha se i mirëpret sanksionet e ashpra undër Rusisë, por që përfshihet edhe Irani dhe Koreja Veriore. Senati e ka kundërshtuar bllokimin e veprimit të Presidentit, pasi ai synon realizimin e premtimeve të fushatës së tij, për të bashkëpunuar me Rusinë, në fushat siç është shkaktimi i disfatës së grupit ekstremist, Shteti Islamik.

Shtëpia e Bardhë tha mbrëmë vonë se Trump ende nuk ka vendosur nëse do ta nënshkruajë këtë legjislacion apo do ta përdorë veton.





Lajmet e fundit nga