web counter
LEXO PA REKLAMA!

SHKARKO APP

App Store
Google Play

Gjykata nuk lejon ekstradimin/ Ja arsyeja dhe emri i shqiptarit që udhëhoqi grabitjen e miliona paundëve

28 Korrik 2017, 19:50, Aktualitet CNA

Gjykata e Lartë britanike e ka cilësuar si të paligjshëm vendimin e dhënë nga gjykatat e shkallës sa parë, për ekstradimin drejt Shqipërisë të një shtetasi shqiptar të përfshirë në një grabitje në vitin 2006, ku një grup personash të armatosur sulmuan autokolonën e një kompanie sigurie që transferonte shumë të konsiderueshme parash dhe u larguan prej andej me 53 milionë paundë.

Rasti në fjalë ka ndodhur në Tonbridge, Kent dhe konsiderohet si më e madhe në historinë e Britanisë së Madhe, megjithëse banda la pas 154 milionë paundë, pasi nuk kishte më vend në makinën me të cilën u larguan.

Megjithatë, autorët e grabitjes, mes të cilëve dy shqiptarë, u kapën më vonë dhe në 2008, së bashku me tre persona të tjerë u dënuan me burg.

Njëri prej tyre i njohur dhe identifikuar si Jetmir Buçpapaj, u dënua me 15 vite me akuzën e rrëmbimit, grabitjes dhe armëmbajtjes pa leje. Gjatë gjykimit u tha se roli i tij në grabitje ishte thelbësor, ndërsa miku i tij, Ermir Hysenaj ishte ?i infiltruari? që kishte dijeni mbi lëvizjet e autokolonës me para.

Shqipëria dhe Anglia kanë nënshkruar një marrëveshje në vitin 2013 për transferim të burgosurish, ndërkohë që transferimin e Buçpapajt e kundërshtoi edhe policia e Kentit, që kreu hetimet e grabitjes.





Lajmet e fundit nga