E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Si gënjen Petrit Vasili me Ilir Metën

24 Maj 2017, 12:59, Aktualitet CNA

Kreu i LSI, Petrit Vasili, dhe paraardhësi i tij, Ilir Meta, kanë filluar ping-pongun e shifrave, duke tentuar që rrudhjen e tyre politike apo braktisjen e LSI nga baza, ta kthejnë në një frymë pozitive, duek shpresuar ashtu si në vitin 2009, që t?iu mbushin mendjen shqiptarëve se do të jenë sërish një forcë qeverisëse. Pë të kuptuar stilin e LSI mjafton të lexojmë katër mandatet e vitit 2009, rritjen e saj më 2013 dhe në 2015. Në të dy rastet, LSI rritet për shkak të pushtetit dhe megjithëse mund të ketë 20 apo 30% të totalit të tij, LSI, nëpërmjet duarve të saj të korruptuara, ushtron autoritetin e një force kryesore qeverisëse.

Por, pse dhe si gënjyen dje, në dy orare të ndryshme, Ilir Meta dhe Petrit Vasili?

Meta tha se LSI kishte dyfishim të votave dhe mandateve, në rast se do të lexonim kështu rezultatin e zgjedhjeve lokale të vitit 2015. Por, e vërteta ishte krejt ndryshe. Ilir Meta gënjeu! Në vitin 2013 kishte 180 mijë vota, dhe në 2015 kishte 260 mijë.

Të përkthyera në mandate, janë 16 mandate dhe afërsisht 24 mandate. Pra, LSI nuk ka dyfishim.

Nga ana tjetër, Petrit Vasili dje tha se LSI do të dilte forcë e parë, me dyfishimin e votave të vitit 2015. Por, edhe ky gënjeu si ish-shefi i tij, sepse në vitin 2013 PS ka 713 407 vota, PD ka 530 000 vota. Në çdo dyfishim të votave, LSI kurrsesi nuk do të mund të shkonte përpara të dy forcave të mëdha në vend. Kjo për disa arsye.

Së pari, PS nuk ka për ta toleruar në terrenin e saj politik. PD nga ana tjetër po i fton njerëzit, që e braktisën për Ilir Metën, të kthehen tek ajo. Të dy forcat e mëdha politike në vend po ngjallin frymën e një bashkëqeverisjeje. Pra, në asnjë rast LSI nuk mund t?i gënjejë më shqiptarët se do të jetë forcë politike nesër në qeveri. Me shumë gjasa, Ilir Meta mnd të jetë një opozitë e rrudhur, me 12-14 mandate dhe në zgjedhjet e ardhshme është edhe më keq akoma.

Ilir Meta nuk ka shtrat se ku mund të zgjerojë votat e tij. Tani kjo forcë politike është një subjekt i diskredituar publikisht.

Njerëzit e Metës në çdo cep të Shqipërisë akuzohen si segmentet më të korruptuara të qeverisë. Edhe pse LSI kërkon ta shmangë veten nga përgjegjësia për kanabizimin dhe krizën e rënduar politike në vend, ajo është po aq përgjegjëse sa vetë PS, pasi ka pasur gati gjysmën e pushtetit, diku edhe më shumë se sa aq.

Petrit Vasili dhe Ilir Meta po kërkojnë me çdo kusht që të mbajnë lart një frymë fituese për LSI, por ata janë të vetëdijshëm se LSI nuk do të mund të sigurojë dot votat e 2015 jo e jo, por as ato të vitit 2013. Në rast se LSI e analizojmë si forcë pragmatiste e pushtetit, ashtu siç thamë dhe më lart, tani është koha që shumica e pragmatistëve ta braktisin Ilir Metën, për shkak se ai u bë ?Sulltani?, ndërsa ata janë ende të varfrit dhe të braktisurit, që vota iu përdoret për një thes miell apo 50 euro. Më tej, nga disa drejtorë ministra apo pjesë administrate të zhytur deri në grykë në llumin e korrupsionit. Në qoftë se ka një forcë politike në Shqipëri, që mund të quhet një bandë politike, askush nuk mund të thotë se LSI nuk është kampione.

Për një gjë Meta dhe Vasili kanë të drejtë, LSI do dalë e para. Jemi të bindur se në një sondazh të perceptimit publik, LSI do të dilte si forca që kishte më shumë hajdutë e të korruptuar në sistemin politik shqiptar./CityNews