E fundit!

18:59 Politikë

LISTA/ Ja kush janë anëtarët e diasporës në Këshillin Kombëtar të PD-së

Ka nisur mbledhja e Këshillit Kombëtar të Partisë Demokrat...

Protestuesi demokrat shpallet i pafajshëm pas provave të CityNews

24 Maj 2017, 11:57, Aktualitet CNA

Gjykata e Apelit ka shpallur të pafajshëm protestuesin e Partisë Demokratike, pas provave të siguruara nga CityNews.al. Bëhet fjalë për aktivistin politik të PD, Indrit Hoxha, sekretari i Burimeve Njerëzore në FRPD, i cili u arrestua pas protestës së të 17 shtator 2015, e cila nga Kryeministria, u spostua te Bunkeri pranë Ministrisë së Brendshme, ku pati një përplasje mes policisë dhe protestuesve.

Falë provave të siguruara nga CityNews, një video ku dukej qartë se uniformat blu ushtronin dhunë mbi të riun demokrat, Apeli rrëzoi vendimin e gjykatës penale të shkallës së parë, duke e vlerësuar procesin si të montuar politikisht.

Avokati Altin Goxhaj e cilëson vendimin e Apelit një tjetër fitore të protestuesve demokratë kundër diktaturës së oligarkisë.

?NJË TJETËR FITORE SOT NË APEL E PROTESTUESVE DEMOKRAT KUNDËR DIKTATURËS SË OLIGARKISË

Edhe sot Studio Ligjore Aga & Goxhaj Laë Firm (Avokati Altin Goxhaj dhe Avokati Erald Aga) fitoi një gjyq në Gjykatën e Apelit duke prishur vendimin e gjykatës penale të shkallës së parë që dënonte aktivistin politik të PD Indrit Hoxha në një proçes që u vlerësua si i montuar politikisht! Bëhej fjalë për arrestimin e Indrit Hoxha në protestën e parë kundër Bunkerit në 17 Shtator 2015 të shoqatave dhe partive të të përndjekurve politik dhe Departamentit të të Përndjekurve Politik në PD ku gjykata e shkallës së parë në kundërshtim me ligjin refuzonte pamjet filmike që e nxjerrin kallzimin e policit të Shqiponjave (sikur gjoja Indrit Hoxha kishte dhunuar si Rambo trupat e Shqiponjave ? ) si kallzim i rremë dhe dëshmitë e policëve po ashtu! Sot Vebdimi që dënonte Indritin u prish dhe tashmë loja në shkallën e parë do të ndërrojë kah: policët e Tahirit do dënohen për kallzim të rremë pasi pamjet filmike të siguruara nga ne tregojnë krejt të kundërtën. Interesante është që gjykatësi i urdhëruar i Ramës në shkallën e parë kishte zhdukur pa sukses CD me videon por ne kishim siguruar prova filmike nga CityNews.al dhe nga porotokolli i Gjykatës me vulë e firmë?, shkruan Goxhaj.

Ndërkohë, CityNews pritet t?i shkojë deri në fund kësaj ngjarjeje, duke zbardhur me prova zhdukjen e fakteve në gjykatë./CityNews