web counter
LEXO PA REKLAMA!

SHKARKO APP

App Store
Google Play

E fundit!

x

Spiuni sërb i përfshirë në sulmin ndaj Kuvendit të Maqedonisë

24 Maj 2017, 10:57, Aktualitet CNA

Goran Zhivaleviq, ish-zëvendësdrejtor i Agjencisë Informative të Sigurisë(BIA), tani oficer i saj aktiv, që punon në Ambasadën në Shkup, ditën e sulmit mbi Kuvend, më 27 prill, është futur në Parlament pas orës 20;00 së bashku me një grup personash nga turma dhe është nisur drejt sallës plenare ku ende kanë qenë deputetët e VMRO-DPMNE-së. Sipas burimeve të gazetës Koha dhe televizionit Telma, ai është fotografuar i pjesëmarrë në turmë.

Zhivaleviq ka qëndruar deri në fund të ngjarjeve në Parlament, duke qenë dëshmitar okular i incidenteve që kanë ndodhur aty. Gjë që përbën  shkelje të protokollit të diplomatëve. Në përgjigjen dërguar ?TV Telma? dhe gazetës ?Koha? Zhivaleviq pranon se ka qenë brenda në Parlament, por siç është arsyetuar ai, ?ka qenë me detyrë për të parë nëse në incidente ka dhe persona nga Serbia, tifozë apo edhe ekstremistë?.

Zhivaleviq është i njohur për opinionin serb, por edhe për atë rajonal për disa ngjarje kontroverse. Bashkëshortja e tij, Olivera Antoniq, ka dëshmuar në lidhje me vrasjen e gazetarit Sllavko Çuruvija. Ajo gjatë asaj kohe, ka punuar në departamentin për përgjime të Sigurimit Shtetëror dhe ka përpiluar procesverbalet e bisedave, nga banesa e gazetarit, pas vrasjes së tij, kështu që i ka orientuar edhe personat.

Gazeta Koha merr vesh se Zhivaleviq është i përzier edhe në organizimin e ngjarjes që u mbajt në muajin qershor të vitit të kaluar në Moskë, ku merrte pjesë kryetari i Partisë Demokratike Serbe në Maqedoni, Ivan Stoilkoviq, si nënshkrues rajonal i Iniciativës ruse për krijim të territorit neutral ushtarak të Ballkanit. Aty kanë qenë edhe disa deputetë serb së bashku me partitë serbe nga Republika Srpska, Mali i Zi, Bullgaria dhe Maqedonia. Zhivaleviq para se të vinte me mision në Maqedoni, është ?dëbuar? nga Kroacia për spiunim, pasi sigurimi kroat i ishte ankuar kolegëve në Beograd për punën e tij. Deri tani nuk ka asnjë reagim nga MPB, as nga Ministria e Punëve të Jashtme e Maqedonisë,  nuk është ndërmarrë asnjë masa ndaj kundërzbuluesit serb Goran Zhivaleviq për prezencën e tij në trazirat e përgjakëshme të ndodhura në Parlament në datën 27 prill./Citynews





Lajmet e fundit nga