web counter
LEXO PA REKLAMA!

SHKARKO APP

App Store
Google Play

Kunati i Gert Bogdanit zgjedh Niko Peleshin

24 Maj 2017, 10:21, Aktualitet CNA

Arbër Çepani, një nga personazhet i bërë i njohur pas fitores në garën e Big Brother, një djalë i ri që sot angazhohet kryesisht në biznes, dje ka postuar në rrjetet sociale një mesazh të fortë mbështetës për ish-zëvendëskryeministrin Niko Peleshi.

Çepani e vlerëson së tepërmi, fakte për të cilat jo të gjithë mund të jenë dakord. Por ajo që na bën përshtypje është një tjetër detaj.

Çepani vlerëson Niko Peleshin, por asnjëherë në asnjë rast nuk ka thënë një fjalë për kunatin Gerti Bogdanin. Deputetin e dy mandateve të Partisë Demokratike, njeriun  që shpartalloi FRPD, pa folur më tej për faktin se si mund të ketë zhdukur apo vjedhur disa mijëra euro financime të dhuruara nga donatorë të ndryshëm për pagesat e FRPD në institucionet si motra europiane.

Çepani nuk thotë asnjë fjalë dhe nuk vlerëson kunatin e tij apo partinë që ajo përfaqëson, por vlerësimet i jep për Niko Peleshin, rivalin e kunatit të tij. Më poshtë publikojmë postimin që është bërë dje nga Arbri i Big Brother.

“Nuk kam dëshirë ti bëj lëvdata njerëzve që kanë poste publike, se do e merrnin për servilizëm por tanimë që Niko nuk është më zv.Kryeministër, më lejoni të shpreh përtej bindjeve politike, të gjithë respektin dhe vlerësimin tim si qytetar për të gjithë thjeshtësinë, qytetarinë dhe përulësinë që e karakterizon këtë funksionar shtetëror! Kam patur rastin ta njoh nga afër për shkak të angazhimeve të mia në Korçë dhe habitem sa herë e takoj sesi ka akoma politikanë, që nuk e kanë harruar origjinën e tyre dhe vazhdojnë ta duan aq shumë vëndlindjen e tyre! Jo më kot sot Korça është një qytet, që jeton një realitet paralel me pjesën tjetër të Shqipërisë, sepse përtej gjithë të mirave që ai qytet përmban, meritën më të madhe e ka, që ka arritur të brumosë qytetarë të mirë që punojnë për të dhe e duan atë!”/CityNews





Lajmet e fundit nga