Mark MARKU: PD-ja e vjetër nuk është garanci për Republikën e Re

24 Maj 2017, 09:01, Aktualitet CNA

Në një opinion të publikuar ditën e sotme në ?Panorama?, autori Mark Marku, figurë e njohur e botës së profesoratit dhe medias, trajton raportin midis asaj që ai e etiketon si ?PD-ja e vjetër?, kryetarit të saj Lulzim Basha dhe ?Republikës së Re?, term ky që Basha e potencoi vijueshëm gjatë 90 ditëve të protestës nën çadrën e lirisë. Edhe pse deri diku vetë Mark Marku ka qenë pjesë e lidershipit të PD-së së vjetër, i zgjedhur deputet i saj gjatë periudhës 2009-2013, në shkrim-opinion mendon krejtësisht ndryshe. Pra se nëse Republika e Re do të ngrihet mbi themelet e PD-së së vjetër nuk ka asnjë garanci se ajo mund të funksionojë.

Ja çfarë shkruan Marku, ndër të jera: ?Përmbyllja e aksionit opozitar për garantimin e kushteve elementare për zgjedhje të lira me paktin e aritur mes kryeministrit Rama dhe kryetarit të PD-së,Lulzim Basha, e ka kthyer edhe njëherë në qendër të vëmendjes se opinionit publik PD-në si forcë alternative për qeverisjen e vendit

Pritshmëritë dhe interesi për zhvillimet në PD janë shtuar dukshëm pasi kryetari i saj Lulzim Basha hodhi idenë e Republikës së Re, që nuk është, as më shumë e as më pak se ndarje nga modeli i vjetër dhe i dështuar politik i këtyre 27 viteve, model që e ka çuar vendin në dështime të njepasnjëshme dhe kriza ciklike??.

Si provë të parë të Bashës për të treguar seriozitetin e ndërtimit të Republikës së Re, Marku përmend listat e kandidatëve për deputetë që pritet të paraqiten në KQZ dhe para opinionit publik këtë fundjavë.

?Publikimi i listës do ti jap një përgjigje dilemës që ka shoqëruar propozimin e ri të Bashës nëse një parti e vjetër dhe e rendësishme e sistemit politik shqiptar me shumë përgjegjësi në degradimin e sistemit mund të bëj riformatimin e sistemit?Me listën e re Bashës do të duhet ti japë përgjigje edhe një dileme që e ka shoqëruar gjithë këto vite të tij në krye të PD-së: raportin e tij me Berishën, ose më saktë, dublimin e pushtetit të tij si kryetar i PD-së nga pushteti i liderit historik të kësaj partie, Sali Berisha?Procesi i përzgjedhjes së listave duhet ti japë fund edhe një aspekti të shëmtuar korruptivë, që shoqëron përzgjedhjen e kandidatëve, nga i cili nuk ka shpëtuar pa u prekur edhe PD. Shumë kandidatë për deputetë apo kandidatë për kryebashkiak paguajnë në nivele të larta vendimarrëse të partive shuma maramendëse për ta blerë kandidimin e tyre?Dhe lufta ndaj korrupsionit është një sfidë tjetër e Republikës së Re dhe duhet luftuar që këtu?, shkruan Marku. /CityNews