web counter
LEXO PA REKLAMA!

SHKARKO APP

App Store
Google Play

E fundit!

x

Dosjet e hapura të 400 zyrtarëve do ti kalojnë Prokurorisë Speciale

24 Maj 2017, 10:30, Aktualitet CNA

Dosjet e hapura të zyrtarëve, por edhe politikanëve të përzier në afera të ndryshme korruptive, pritet që ti transferohen Prokurorisë Speciale (SPAK) e cila pritet që të nisë funksionimin në vjeshtë, raporton ?sot news?, duke cituar: Politikanët shqiptarë i kanë ndërtuar ligjet në mënyre të tillë, ku të gjithë ata zyrtarë që janë me dosje do jenë të parët që do përballen me SPAK?.

Pasi përmend një bilanc të bërë për të gjitha kallëzimet që janë bërë në organin e akuzës, ?sot? thekson  rezultatin sipas të cilit rreth 400 persona me funksion zyrtar  ende i kanë dosjet e hapura dhe pritet që ato t?i kalojnë Prokurorisë Speciale. Për vitin 2016, KLSH kallëzoi 176 punonjës në institucione të ndryshme, ndërsa ILDKP ka kallëzuar 72 persona. Pra vetëm gjatë vitit që lamë pas janë kallëzuar 248 persona në nivele të ndryshme drejtuese. Por nëse marrim dhe vitin 2015, shifrat dyfishohen. ILDKP ka kallëzuar në 2015, 84 zyrtarë. Ndërsa KLSH, ka kallëzuar 159 persona. Pra gjatë vitit 2015 janë kallëzuar në total 243 perona. Nëse bëjmë një përmbledhje të dy viteve të fundit kemi plot 491 zyrtarë të kallëzuar penalisht për fshehje pasurie dhe abuzime me detyrën, tenderat etj., vijon sotnews.

Por nga informacionet e marra nga të dyja institucionet, disa prej zyrtarëve kanë shkuar në gjykatë, ndërsa për disa të tjerë janë pushur hetimet. Në këtë mënyrë, numri bie në rreth 400 zyrtarë me dosje. Kjo do të thotë se ata do hetohen nga SPAK dhe rrezikojnë arrestimin. Nëse zbulohet se ata kanë vënë pasuri korruptive, ajo do u sekuestrohet.





Lajmet e fundit nga