Nga Xhovani SHYTI/ Fundi i palavdishëm i Rilindjes

22 Prill 2017, 10:59, Aktualitet CNA

Më shumë se njëqind premtime të bëra gjatë fushatës elektorale të zgjedhjeve të përgjithëshme parlamentare të viti 2013, për të sjellë rilindjen e vendit të shkatërruar, dhe në fund kjo situatë kaotike.

Kjo është rruga e qeverisë bashkëkoalicioniste Rama-Meta në vigjilje të përfundimit të mandatit të parë, kurse pasiguria e mbajtjes së votimeve në 18 qershor e vë në dyshim faktin nëse PS-LSI do të vijojnë koalicionin edhe për një tjetër katër vjeçar. E ndërsa kjo mbetet për tu verifikuar në ditët vijuese, e sigurt është se projekti elektoral 2013 i të majtësve për një ?rilindje? po mbyllet me turp.

Me gojën e ish deputetes, sot ministre, Ermonela Felaj, PS garantoi në fushatën e 2013 krijimin e një drejtësie të pavarur, nëse do ti besohej pushteti qeverisës. Ngritjen e një drejtësie ?që do të siguronte në mënyrë të barabartë qytetarët dhe sipërmarrjet?, e një drejtësie ?të çliruar nga presioni për interesat politike dhe korruptive, duke e pastruar atë nga çdo shërbëtor që i shërben pushtetit?. Sistemi i sotëm i drejtësisë, katër vite pas premtimit, vijon të funksionojë sipas parimit: ?Unë kam /ti kum/ ai kam-kum?, duke e nulizuar rilindjen.

I qenë në të njejtën linjë rilindjeje me Felajn,homologu i saj Taluant Balla,duke folur në emër të socialistëve garues në zgjedhjet 2013, i premtoi elektoratit se nëse të majtët do të qeverisnin, gjatë periudhës 2013-2017: ?askush nuk do të tolerohej të abuzonte me pushtetin dhe ta përdorte atë për interesa personale, të familjarëve apo klaneve të ndryshme?. Se do të kishte ndëshkim ndaj çdo shkelësi të ligjit dhe transparencë në çdo koncesion të dhënë. Sipas Ballës, as krimi fiskal nuk do të tolerohej…

Premtim i pambajtur ky, lehtësisht i verifikueshëm nga cilido, sikurse del të jenë të njejtë zotimi për transparencën e punës së institucioneve, i artikuluar atë kohë nga Ilirian Celibashi dhe jo pak premtime të tjera.

Ai për të rinjtë, që, sipas Erion Veliajt: ??Do të kishin mundësi të barabarta për punësim dhe karrierë, pavarësisht njohjeve të tyre?, ai për pronat që, sipas kanduiatit të atëhershëm për deputet Damian Gjiknuri, sot ministër, ishin:??Kthyer në një mision të pamundur?,por ?që do ti ktheheshin pronarëve të ligjshëm?.

Por të pambajtur del të jenë edhe premtimet e bujëshme për të rilindur shëndetësinë, përkujdesjen ndaj fëmijëve, marrëdhëniet e emigrantëve me dheun amë etj., etj. Një rilindje totale, premtoi Edi Rama, që sot ka nisur të merret me vitin 1997 dhe jo me transparencën e fjalëmbajtjes paskatërvjeçare.

Përkundër asaj që një milion shqiptarë i besuan votat ?pro? kabinetit Rama-Meta, pa mohuar disa suksese në fusha prioritare si energjia, urbanizimi i qendrave periferike, reforma territorial etj., situata antikushtetuese dhe atmosfera e konfliktit të ashpër politik, në të cilën ndodhet aktualisht vendi, i eklipsojnë edhe më shumë ato. /Citynews