web counter
LEXO PA REKLAMA!

SHKARKO APP

App Store
Google Play

Edi Rama, historian apo kryeministër/Nga Elvi FUNDO

22 Prill 2017, 10:03, Aktualitet CNA

Kreu i qeverisë Edi Rama dhe eksponentë të mazhorancës, kanë rikthyer së fundi në artikulimin politik vitin e mbrapshtë 1997.

Një artikulim që fillimisht u mbështet ngas mediat e ?kazanit? të kryeministrit me foto dhe ngjarje që thuajse ishin harruar.

Sot pas 20 vitesh, kreu i qeverisë kthen prapë ato ngjarje ju kujton shqiptarëve apo ju rihap një plagë e cila pati pasoja dhe ende ka dhimbje në mijëra e mijëra familje. Lëvizje për të nxitur kujtesë për ca më shumë vota.

Por sot jemi në vitin 2017 dhe fushata elektorale ka filluar edhe pse jo zyrtarisht, sot pas 20 vitesh Edi Rama meret me vitin 1997, a thua se është votuar katër vite më parë për historian apo për të bërë pak Back in Time,  kujtesë për shqiptarët.

Kreu i qeverisë votohet në zgjedhje dhe një herë në 4 vite ai dhe forca politike që përfaqëson shkon dhe votohet sërish nga qytetarët, për të marrë ose jo mbështetje, për premtimet e dhëna dhe punët e realizuara, sa mirë apo keq ka qeverisur.

Sot pas 4 vitesh nga 2013, kryeministri shkon në Gjirokastër me votuesit e rinj, pra ata që hedhin fletën në kuti për herë të parë. Shkon dhe ju flet për vitin 1997 dhe nuk jep llogari për punët e mira apo të këqija. Nuk ju flet për maturën e shkatërruar shtetërore, nuk ju flet për ligjin klentelist të arsimit të lartë, por bën histori, thua se është veterani që tregon histori nga lufta. Ata 18 vjeçarë që ka takuar sot Rama në Gjirokastër, nuk kishin lindur ende në vitin e mbrapshtë 1997 as në kohën e luftës së dytë botërore, apo në kohën e Haxhi Qamilit, prandaj sot do ishte më mirë të jepte llogari e jo t?ju bënte histori të manipuluar partie.

Këtë  mund ta bëjë pa asnjë problem, por është zgjedhur Kryeministër nuk është kryetar i komisionit të shkrimit të historisë, megjithëse në të dyja rastet do dështonte ku më shumë e ku më pak. Le pastaj kur bën edhe historianin me Mirela Kumbaron e Bledi Çuçin nga pas./Citynews





Lajmet e fundit nga