web counter
LEXO PA REKLAMA!

SHKARKO APP

App Store
Google Play

E fundit!

x

S’ka hetime vipash/ Qeveria e pakënaqur me kryeprokurorin Llalla

22 Prill 2017, 08:05, Aktualitet CNA

Qeveria është e pakënaqur me punën e bërë nga Prokuroria e Përgjithëshme gjatë vitit të shkuara 2016. Këtë e zbulon dokumenti që ministri i Drejtësisë Petrit Vasili i ka dorëzuar dje kryeprokurorit Adriatik Llalla, i shoqëruar edhe nga shifrat që ka publikuar qeveria.

Pakënaqësinë më të madhe qeveria e ka nga mosvënia para përgjegjësisë ligjore të personave me përgjegjësi të larta zyrtare, gjë që e shpreh në konstatimin se prokuroria ka dështuar me luftën ndaj krimit dhe korrupsionit, gjatë vitit 2016. Për këtë arsye i kërkohet prokurorit të përgjithshëm, Adriatik Llalla, që të nisë arrestimin e zyrtarëve të korruptuar dhe të sekuestrojë pasuritë e vënë nga ryshfeti.

?Nga të dhënat statistikore rezulton se nga organi i prokurorisë për vitin 2016, janë regjistruar 1.526 çështje penale për veprat penale në fushën e korrupsionit dhe janë marrë të pandehur 386 persona. Krahasuar me numrin e çështjeve të vitit të kaluar16 vihet re një rritje e vogël e numrit të çështjeve, me 34 çështje, por një ulje e numrit të personave të pandehur (55 persona më pak). Ndërkohë, rezulton se janë dërguar për gjykim vetëm 212 procedime penale ose rreth 13,9 % të rasteve, me 371 të pandehur, numër më i ulët se për vitin 201517. Për vitin 2016, ka përfunduar gjykimi për 192 çështje penale,për veprat penale kundër korrupsionit, me një numër prej 312 të pandehurish?, thuhet në raportin e qeverisë. Ku pohohet se veprat penale në fushën e korrupsionit, tregojnë se ndonëse ka rritje të numrit të çështjeve të regjistruara, vihet re ulje e numrit të çështjeve të dërguara për gjykim, dhe atyre të përfunduara në krahasim me vitin 2015.

?Këshilli i Ministrave i rekomandon Prokurorit të Përgjithshëm: Rritje të numrit dhe të cilësisë së hetimeve, sidomos të rasteve të zyrtarëve të lartë publikë, duke përdorur metoda speciale të hetimit dhe duke kryer hetime të plota financiare brenda dhe jashtë vendit; Hetime sistematike pasurore dhe rritje të numrit të aseteve të konfiskuara në rastet e korrupsionit sidomos në fazën fillestare të hetimeve; Rritje e numrit të çështjeve të regjistruara, atyre të dërguara për gjykim dhe përfunduar me vendim dënimi të formës së prerë, për rastet e kallëzuara në prokurori nga Inspektorati i Lartë i Deklarimit dhe Kontrollit të Pasurisë dhe Konfliktit të Interesit dhe nga Kontrolli i Lartë i Shtetit?, shkruhet në raportin e qeverisë./Citynews





Lajmet e fundit nga