web counter
LEXO PA REKLAMA!

SHKARKO APP

App Store
Google Play

Sondazhi në CityNews/Shqiptarët duan President nga populli

22 Prill 2017, 07:20, Aktualitet CNA

CityNews zhvilloi mbrëmjen e kaluar një sondazh mbi çështjen më të nxehtë të ditëve të fundit, atë të zgjedhjes së presidentit të ri. CityNews realizoi sondazhin me pyetjen ?President nga populli? Jeni pro apo kundër??, duke iu drejtuar të gjithë qytetarëve për 1 orë. Rezultati ka qenë befasues dhe me një diferencë tepër të thellë, ku pothuajse të gjithë votuesit kanë qenë pro zgjedhjes së presidentit nga populli.

Siç shihet nga të dhënat e sondazhit, që po sjellim më poshtë, 455 vota janë për president nga populli, dhe vetëm 15 të tjera nuk e mbështesin këtë propozim.

Kjo është një nismë e kreut të LIBRA-s, Ben Blushi, i cili e ka propozuar për herë të parë në vitin 2007, pas zgjedhjes së presidentit Bamir Topi, e ndërsa iu rikthye sërish në qershor të vitit 2016, ku paraqiti dhe amendament në Kuvend. Propozimi i tij gjeti mbështetjen e vetëm 10 deputetëve të Kuvendit, duke mbetur kështu një ?ëndërr në sirtar? e deputetit Blushi. Por, vetëm një ditë më parë ishte kreu i Partisë Demokratike, Lulzim Basha, që do të rikthente edhe njëherë në vëmendje këtë propozim, duke kërkuar nga çadra e protestës që presidenti të zgjidhet nga populli. Ndonëse në qershor Basha urdhëroi deputetët e tij që të mos e votonin propozimin e Ben Blushit, ditën e djeshme pamë një Lulzim Bashë që po kopjonte idenë e tij.

Menjëherë pas thirrjes së Bashës, nuk mungoi dhe reagimi i Blushit, i cili e sfidoi krydemokratin, duke shprehur gatishmërinë për mbledhjen e firmave dhe duke i kërkuar të njëjtën gjë edhe kreut të demokratëve./CityNews





Lajmet e fundit nga