web counter
LEXO PA REKLAMA!

SHKARKO APP

App Store
Google Play

E fundit!

x

Plani i PD/Si do të funksionojë e hëna bllokuese e rrugëve nacionale

22 Prill 2017, 07:32, Aktualitet CNA

Në kuadër të intensifikimit të protestës dhe ngritjes së saj në një shkallë më të lartë PD ka lajmëruar se fillimin e javës së ardhëshme, ditën e hënë, do të aplikojë atë që ajo e etiketon si ?mosbindje civile?, si vijimësi të heshtjes së qeverisë Rama ndaj kërkesave të saj.

Në qendër  ?mosbindja civile? do të ketë bllokimin e akseve rrugore të qyteteve të vendit. Aksioni do të nisë në orën 11.00 dhe do të vijojë për rreth një orë, deri në orën 12.00. Sipas burimeve të brendëshme të PD-së segmentet që do të bllokohen të hënën janë autosrad lidhëse e Tiranës me Shkodrën, që do të bllokohet tek rrethrrotullimi i Fushë Milotit, sheshi ?Shqiponja? në Tiranë. Por do të bllokohet rruga edhe në rrethrrotullimin e Plugut në Lushnje, ku ndahet rrugët vijuese për në Berat,Fier, Vlorë e më tej në jug të vendit.

Por protestuesit e PD do të bllokojnë edhe aksin Elbasan-Rrogozhinë në rrethrrotullimin e Bradasheshit, si dhe atë Lezhë-Shkodër, Laç-Mamurras, rrugën e Kombit në Kukës. Do të bllokohen akset Tiranë-Durrës, Tiranë-Elbasan; Elbasan-Librazhd, Kavajë-Durrës, Peqin-Rrogozhinë, Rrogozhinë-Lushnje, Rrogozhinë-Kavajë, Lushnje-Fier, Fier-Mallakastër, Mallakastër-Tepelenë, Fier-Vlorë, akset Librazhd-Pogradec, Pogradec-Korçë dhe në Jug protestuesit do bllokojnë autostradën Tepelenë-Gjirokastër dhe Gjirokastër-Sarandë.

Përveç njerëzve pjesëmarrës në këtë proteste, si mjete bllokuese të artierieve rrugore do të shërbejnë gomat e djegura, koshat e hedhjes së mbeturinave etj.

?Ditën e hënë, gjithë qytetarët shqiptarë bashkohemi midis orës 11 dhe 12 në bllokimin total të trafikut kombëtar në të gjithë Shqipërinë?, ka qenë thirrja e artikuluar nga kryetari i PD-së Lulzim Basha, duke i ftuar protestuesit të jenë pjesëmarrës në këtë aksion të ri të opozitës, që nis ditën e hënë, kur në vendin tonë vjen për të ndërmjetësuar palët politike në konflikt David Mc Allister,zv.kryetar dhe kryetar i politikës së Jashtëme të Parlamentit Europian. / Citynews





Lajmet e fundit nga