web counter
LEXO PA REKLAMA!

SHKARKO APP

Operacioni "Rrjeta"/ Vihen nën pranga policët bashkiakë ( emrat)

22 Prill 2017, 09:41, Aktualitet CNA

Tre punonjës të Policisë bashkiake të Tiranës janë vënë në prangat e policisë në kuadër të operacionit të koduar “Rrjeta”. Sipas policisë, të arrestuar janë: Erjon Beca, 37 vjeç, banues në Tiranë, me detyrë përgjegjës grupi pranë Policisë Bashkiake Tiranë për kontrollin e territorit, B. M, 25 vjeçe, banuese në Tiranë me detyrë punonjëse patrullës së policisë Bashkiake Tiranë, Astrit Breshani, 47 vjeç, banues në Tiranë, me detyrë patrull shërbimi në patrullën e Policisë Bashkiake Tiranë.

Arrestimi i këtyre shtetasve u bë pasi më datë 21.04.2017, rreth orës 16:00, në rrugën ?Panorama? pranë ZVRPP, punonjësit e policisë bashkiake me automjetin e punës dyshohet ti kanë marrë shtetasit J. M., një shumë prej 200 mijë lekësh të vjetra, për lejimin e një tende (rrjetë mbrojtëse dielli) në një pikë lavazhi në qytetin e Tiranës. Në cilësinë e provës materiale u sekuestrua: katër kartmonedha, me prerje 5.000 lekë të reja, pesë telefona celularë të markave të ndryshme.

Materialet i’u kaluan Prokurorisë pranë Gjykatës së Shkallës së Parë Tiranë për veprën penale ?Korrupsion aktiv të personave që ushtrojnë funksione publike i kryer në bashkëpunim?./Citynews





Lajmet e fundit nga