web counter
LEXO PA REKLAMA!

SHKARKO APP

App Store
Google Play

Sulmi në Londër/ Liderët botërorë të vendosur në luftën kundër terrorit

23 Mars 2017, 10:52, Aktualitet CNA

Liderët botërorë kanë shperhur solidaritetin dhe vendosmërinë në luftën kundër terrorit, pas sulmeve terroriste në Londër. Zëdhënësi i Shtëpisë së Bardhë, Sean Spicer, ka deklaruar se presidenti Donald Trump ka zhvilluar një bisedë telefonike me kryeministren britanike, Theresa May dhe se ai po e ndjek situatën në Londër.

?Jemi me mendje tek viktimat dhe e dënojmë fuqishëm sulmin në Westminster. Londra dhe qeveria e Mbretërisë britanike kanë mbështetjen e plotë të qeverisë amerikane për gjetjen e përgjegjësve dhe nxjerrjen e tyre para drejtësisë”, tha Spicer.

Po kështu edhe Presidenti francez, Francois Hollande shprehu ngushëllimet dhe mbështetjen e Francës për këtë sulm terrorist. “Jam i sigurt, se nuk ka francezë që nuk është i prekur këtë ditë,… duhet të kuptojmë, se terrorizmi na prek të gjithëve, edhe Francën e cila është goditur së fundmi, ne e kuptojmë mirë  vuajtjen e njerëzve në Britaninë e Madhe”.

Ndërkaq, Kreu i Komisionit Europian, Jean Claude-Juncker u shpreh se “ky është një sulm terrorist, e nëse jo, kjo nuk ndryshon asgjë për ata që janë viktima të tij. Jam me mendje tek ta, minutë pas minute, e kjo është një ditë e veçantë edhe në Bruksel, sepse saktësisht një vit më parë përjetuam sulme të tilla në Bruksel…nuk gjej dot fjalë për të shprehur hidhërimin që ndjej”. /CityNews





Lajmet e fundit nga