web counter
LEXO PA REKLAMA!

SHKARKO APP

App Store
Google Play

Shtohet paniku në radhët e gjyqësorit/Drejt fundit verifikimi për krerët e institucioneve

23 Mars 2017, 08:25, Aktualitet CNA

ILDK dhe DSIK vijojnë punën me vrull për të verifikuar figurën dhe pastërtinë e krerëve të institucioneve, ndonëse politika punon për të bllokuar procesin. Hapja e formularëve të vetëdeklarimit nisi pikërisht me krerët e institucioneve, e përcaktuar kjo në ligj, dhe tani procesi është drejt fundit, shkruan ?Sot?.

ILDKP dhe DSIK hapën të parët deklarimet e Kryeprokurorit Adriatik Llalla, kreut të Gjykatës së Lartë, Xhezair Zaganjori, kreut të Gjykatës Kushtetuese, Bashkim Dedja, si dhe deklarimet kreut të Gjykatës së Tiranës, Gjykatës së Krimeve të Rënda dhe krerëve të gjykatave të rrethit. Sipas burimeve nga ky institucion, procesi i verifikimit po ecën me ritme të shpejta dhe shumë afër do ketë një raport të plotë për secilin prej tyre. Më pas do vijohet me gjyqtarët dhe prokurorët e thjeshtë. Interesant është fakti se i gjithë procesi po monitorohet nga ndërkombëtarë.

ILDKP po i mban të informuar përfaqësuesit e ONM mbi të gjitha lëvizjet që bëhen sa i takon procesit të verifikimit. Sipas informacioneve, për pasurinë e krerëve të gjyqësorit dhe prokurorisë ka pasur verifikime në terren. Kryeprokurori ka deklaruar një banesë tre katëshe në Tiranë dhe inspektorët e ILDKP kanë kërkuar të dhëna mbi pronësinë e saj, pasi sipas deklarimeve të Llallës një pjesë është dhënë me qera. Po në Tiranë, Llalla ka deklaruar dhe pasurinë e prindërve të tij, ku dhe për të ILDKP ka kërkuar të dhëna nga zyra e hipotekës. Një pasuri të lartë ka deklaruar dhe kreu i Gjykatës së Lartë, Xhezair Zaganjori.

Ai ka deklaruar disa ambiente që i jep me qera, ndërsa po ashtu djali dhe bashkëshortja e tij kanë deklaruar disa llogari bankare, kryesisht nga të ardhurat e funksioneve që kryejnë. Edhe për ta është ushtruar një verifikim i thellë. Ndërsa kreu i Gjykatës Kushtetuese ka deklaruar një pasuri më të ulët, pasi përveç banesës ka dhe të ardhura nga paga.





Lajmet e fundit nga