web counter
LEXO PA REKLAMA!

SHKARKO APP

App Store
Google Play

E fundit!

x

A ka politikanë që i tremben Reformës në Drejtësi?/Ja përgjigjja e fortë e Blushit

23 Mars 2017, 08:15, Aktualitet CNA

Në një intervistë për të përditshmen ?Sot?, deputeti Ben Blushi ka folur për reformën në drejtësi.

Blushi ka thënë prerë se asnjë nga tri partië e vjetra nuk e do këtë reformë, duke përfshirë këtu PS-në, PD-në dhe LSI-në. Më tej, kreu i LIBRA-s ka deklaru se ka politikanë që i tremben reformës në drejtësi.

?Padyshim që ka! Sepse po mos të kishte politikanë që i tremben reformës në drejtësi, reforma do të ishte bërë 2 ose 3 ose 5 vjet më para?, shprehet Blushi.

Pjesë nga intervista:

-Politika duket se ka bllokuar reformën në drejtësi. Të enjten që shkoi, Parlamenti mori një tjetër vendim duke shtyrë afatet e vetingut. Si i shihni këto veprime të PS-LSI?

I kam paralajmëruar se do gjenin të gjitha llojet e shpikjeve, duke përfshirë edhe çadrën për të bllokuar respektivisht reformën në drejtësi. Asnjë nuk e do nga tre partitë e vjetra, as Rilindja, as Partia Demokratike, as Lëvizja Socialiste për Integrim. Çadra është alibia që ka krijuar Rilindja bashkë me LSI për të bllokuar reformën në drejtësi. Edhe kur kishte në dorë ta bënte vetë, nxorën dy veprime antikushtetuese, e cila ka bllokuar edhe më shumë reformën në drejtësi, që nuk mund të zhbllokohet pa dobësimin e partive të vjetra, që për fat të keq kanë aq vota sa ta bllokojnë sot.

-Ndryshe nga herët e tjera, kohët e fundit është vënë re një heshtje e ambasadorëve përballë reformës në drejtësi. Sipas jush, pse ka ardhur kjo gjë sepse asnjë nuk po reagon?

Unë besoj se komuniteti ndërkombëtar kërkon t?i japë mundësi popullit shqiptar të kuptojë se cila është klasa e vetë politike, e cila nuk ka mundësi të zgjidhë kriza dhe të bëjë reforma themelore në këtë vend. Komuniteti ndërkombëtar është po aq i lodhur sa vetë shqiptarët nga klasa politike, të cilët, mesa duket nuk ka ndërmend shumë ta mbështesë për të bllokuar reformën në drejtësi.

-A ka politikanë që i tremben reformës në drejtësi?

Padyshim që ka! Sepse po mos të kishte politikanë që i tremben reformës në drejtësi, reforma do të ishte bërë 2 ose 3 ose 5 vjet më para. Është e qartë që pjesa dërrmuese e klasës politike i frikohet reformës ne drejtësi, i frikësohen sepse nëse aplikohet siç duhet me monitorim ndërkombëtar, shumica e klasës politike do ndëshkohet. Ky është qëllimi i reformës në drejtësi, prandaj e kemi këtë krizë sot. Qëllimi i reformës është të burgosë politikanë. Deri më sot janë burgosur njerëz të thjeshtë, njerëz për një faturë energjie apo për një ndërtim pa leje. Të gjitha dënimet Shqipërisë ia kanë bërë ata që kanë marrë vendime, dhe ata që kanë marrë vendime nuk janë dënuar. Ky është qëllimi i reformës në drejtësi./CityNews





Lajmet e fundit nga