E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Adriatik Llalla bllokon hetimet për dosjet “VIP”/Ja zyrtarët që amnistohen

23 Mars 2017, 08:07, Aktualitet CNA

Kryeprokurori Adriatik Llalla duket se do ta mbyllë karrierën e tij me dështime. Prej muajsh, ai ka paralajmëruar arrestime të zyrtarëve të lartë, por deri më sot vetëm ish-ministri Spiro Ksera ka dalë par gjykatës, asnjë tjetër.

Ndonëse Llalla në takim me prokurorët kërkon arrestime në nivele të larta dhe luftë ndaj korrupsionit, deri më sot organi i akuzës ka dështuar në këtë aspekt. Por duke qenë se Llalla ka qëndruar në heshtje, një sërë institucionesh të tjera kanë denoncuar disa zyrtarë të nivelit të lartë. Por duket se të gjithë janë amnistuar nga kryeprokurori. Gazeta ?sot? u interesua pranë Prokurorisë së Përgjithshme dhe Prokurorisë së Tiranës se çfarë është duke ndodhur me hetimet që kanë nisur për një sërë zyrtarësh të larë.

Aktualisht në hetim janë ministrat Ilir Beqaj e Milva Ekonomi për koncesionet në shëndetësi. Ndërsa të paditur janë dhe një sërë zyrtarësh të tjerë, si deputetë, ish-ministra e kryetarë partish. Por të gjithë këta emra janë amnistuar. Preteksti i nxjerrë nga prokuroria është reforma në drejtësi.

Zyrtarët që ?amnistohen?

Gazeta ?SOT? ka siguruar një listë me të gjithë zyrtarët që janë me dosje në prokurori dhe që po amnistohen. 10 janë zyrtarë të niveleve të larta, ndërsa pjesa tjetër janë kryesisht punonjës të ministrive. Dy të parët janë Ilir Beqaj dhe Milva Ekonomi. Ndaj tyre ka nisur një hetim për abuzime me 3 koncesione të dhëna në shëndetësi. Një tjetër emër është Arben Seferi, ish-drejtuesi CEZ. Ai është kallëzuar nga KLSH për abuzime rreth 32 mln euro. Një tjetër zyrtar është kreu i ARRSH, Dashamir Xhika, i kallëzuar nga KLSH për abuzime me tenderët.

Mes tyre është edhe Sekretari i Përgjithshëm i Ministrisë së Arsimit, Plarent Ndreca, i cili akuzohet po për abuzime me tenderët. Të tjerë zyrtarë që janë kallëzuar janë: Elvis Rroshi, ish- kryebashkiak i Kavajës, kallëzuar nga KLSH për abuzime me tenderat; Adriatik Zotkaj, kryebashkiak i Poliçanit, paditur për fshehje pasurie; Kryetarja e Bashkisë Patos, Rajmonda Balili, për abuzime me tenderat. Në listë janë dhe dy ish-ministra të Sali Berishës. I pari është Lulzim Basha. Ai është paditur dy herë për abuzime me lejet e ndërtimit kur ishte në krye të Bashkisë së Tiranës, si dhe për ngjarjen e 21 Janarit. Emri tjetër është Sherefedin Shehu, i kallëzuar penalisht për abuzime me rrugën Durrës-Kukës. Të gjithë këta emra duket e do ja hedhin paq.