Nga Kastriot Myftaraj/Pse Sorosi nuk ia përmendi emrin Lulzim Bashës në e-mailin për Hillary Clinton, mbi 21 janarin?

6 Shkurt 2017, 17:56, Aktualitet CNA

Në përpjekje për t? u dukur një lider i fortë opozitar, Lulzim Basha ka paralajmëruar një protestë kundër qeverisë në 18 shkurt. Por megjithëse tashmë është bërë e qartë se nuk mund të ketë opozitë serioze ndaj Edi Ramës, pa u denoncuar mbrojtësi i tij i madh, Sorosi, emri i këtij të fundit është një taboo në gojën e Bashës, pra një fjalë e ndaluar për t? u përmendur. Madje edhe tani që në Shtëpinë e Bardhë është armiku i madh i Sorosit, Trump, si mbështetës i madh i të cilit kërkon të duket Basha, pas zgjedhjeve në Amerikë.

Prej disa muajsh ka bërë bujë publikimi i një e-maili që Soros i kishte dërguar Sekretares së Departamentit të Shtetit, Hillary Clinton, në 23 janar 2011, mbi ngjarjet e dy ditëve më parë në Shqipëri. Një gjë që të bën përshtypje në këtë e-mail është se, ndonëse Soros sjell deri edhe detaje nga ngjarja, për të fajësuar Qeverinë, nuk përmend aspak një detaj që do t? i kishte shërbyer shumë si argument. Daljen e Ministrit të Punëve të Brendshme Basha në tarracën e ndërtesës së Kryeministrisë për të mbikqyrur demonstratën. Basha me këtë donte ta tregonte veten si një ?dorë e fortë?, si një zotëri i hekurt. Ishte një gjest sfidues ndaj opozitës që protestonte poshtë në rrugë. Pikërisht për gjestet sfiduese të qeverisë i ankohet Sorosi zonjës Clinton në e-mail.

Por çuditërisht kursen këtë të Bashës, ndonëse nuk mund të mos ishte i informuar për të! Nuk ka dyshim se e-maili i Soros është shkruar mbi bazën e informative që i ka dërguar atij stafi i fondacionit nga Tirana, që me siguri i ka raportuar edhe për gjestin e Bashës.

Përse e kurseu Sorosi Bashën? Lidhjet e këtij të fundit me Fondacionin ?Soros? janë të vjetra. Universiteti i Utrecht-it në Holandë, ku Basha shkoi me studime në 1993, është një qendër e njohur si ?fidanishte? intelektuale sorosiane, ku dërgoheshin të rinj nga gjithë Europa Lindore ish-komuniste, për t? u përgatitur si filiza sorosianë që do të mbilleshin në politikën dhe institucionet e vendeve nga e kishin prejardhjen. Vetë Basha hyri në politikë në Shqipëri si anëtar dhe kordinator i KOP (Komiteti i Orientimit të Politikave) një krijim sorosian i atashuar pranë PD-së para zgjedhjeve parlamentare të vitit 2005, që iu propozua Sali Berishës nga Fondacioni ?Soros? në Tiranë. Kryetari i KOP ishte kryetari i Bordit të Fondacionit ?Soros?, Edmond Leka.

Me 21 janarin, Sorosi bënte llogari që të eliminoheshin, së paku politikisht, Ilir Meta dhe Sali Berisha. Kështu, dy liderët kryesorë politikë në vend do të mbeteshin Edi Rama dhe Lulzim Basha. Sorosi e kishte kuptuar mirë impotencën e Bashës si lider, dhe llogariste që Rama do të gjendej në një situatë shumë komode politikisht përballë tij.

Sot nuk mund të mos bëhet pyetja, se a kishte dijeni Basha për këtë lojë në prapaskenë të Soros, pra nëse Basha kishte pranuar të bënte rolin e liderit manikin, nëse Soros do ta largonte Berishën nga politika. Heshtja e Bashës për rolin e Soros në Shqipëri, e kompromenton shumë atë. Është paradoksale që në kohën kur zyrtarë të lartë të Administratës ?Trump? flasin kundër Soros, këtë nuk guxon ta bëjë lideri i opozitës në Shqipëri!/Shkruar për CityNEWS