E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Sekuestrohet anija shqiptare “Roger” në Itali/ 7 marinarët durrsakë në telashe

6 Shkurt 2017, 14:30, Aktualitet CNA

Të shtunën më 4 shkurt 2017 Roja e Financës italiane vendosi nën sekuestro anijen ?Roger? me pronar shqiptar dhe flamur të Republikës Demokratike të Kongos. Anija me një ngarkesë profilesh celiku prej 2400 tonësh për shkak të motit të keq ishte strehuar në radhën e jashtme të Portit të Kaljarit (Cagliari) në Sardenjë. Me qetësimin e motit anija do të vazhdonte lundrimin për në Spanjë.

Financierët e ndaluan anijen, sepse kishin sinjalizime, që anija 33-vjecare lundronte me dokumente të falsifikuara. Pas një inspektimi të kujdesshëm nga ana e oficerëve të Kapitanerisë së Portit të Kaljarit rezultoi se ishin falsifikuar disa nga dokumentet e anijes si psh. Safety Construction Certificate, Deratization Certificate, Load Line Certificate etj. Menjëherë pas zbulimit të dokumenteve të falsifikuara anija u vendos nën sekuestro, ndërsa u informua edhe sistemi ndërkombëtar ?Port State Control? për parregullsitë e konstatuara në dokumentacionin e kësaj anije.

Kapitaneria e Portit të Kaljarit e ka paditur penalisht kapitenin e anijes pranë prokurorisë së Kaljarit për këto mangësi në dokumentacion. Të shtatë marinarëve të ekuipazhit të anijes, që të gjithë shqiptarë, u është ndaluar dalja nga anija deri në një urdhër të dytë të autoriteteve gjyqësore italiane.

Ekuipazhi i anijes ka kontaktuar me Ambasadën shqiptare në Romë, por fatkeqësisht nuk ka marrë kurrfarë ndihme prej saj, me pretendimin se është fundjavë dhe personeli i ambasadës është pushim. Është për të ardhur keq që ambasada jonë në një vend fqinj, aleat dhe mik si Italia nuk po bën asgjë për të ndihmuar shtatë detarë shqiptarë në telashe. Nuk është hera e parë, që anijet me pronarë shqiptarë sekuestrohen në vende të ndryshme të botës për mungesë dokumentacioni apo edhe për ngarkesa me armë në bordin e anijes. Kujtojmë këtu sesi marinarët shqiptarë hoqën të zitë e ullirit në Burgun e Mukallës në Jemen, pasi autoritet e Jemenit sekuestruan ngarkesën me armë në bordin e anijes Pyramis. Po ashtu një tjetër anije shqiptare u bllokua për një kohë të gjatë në Libi në kohën e Gedafit, po për probleme me dokumentacionin e anijes./GJERGJ THANASI