web counter
LEXO PA REKLAMA!

SHKARKO APP

App Store
Google Play

PS përmbys listën e deputetëve në Korçë/ Emrat e rinj

6 Shkurt 2017, 12:44, Aktualitet CNA

Socialistët janë duke mbyllur listat e kandidatëve për deputetë dhe thuajse kanë zbarkuar fushatën e tyre elektorale të zgjedhjeve të 18 qershorit. Pas Gjirokastrës, CityNews sjell ndryshimet dhe listën e re të mundshme në Qarkun e Korçës për Partinë Socialiste.

Në Qarkun e Korçës pritet të ketë disa lëvizje thelbësore. Deputeti Bashkim Fino pritet të largohet nga ky qark. Në vendin e tij si kryesues i listës së deputetëve, tashmë e ka marrë zv. Kryeministri, Niko Peleshi. Nga Korça pritet të largohet edhe deputetja e vjetër socialiste, znj. Arta Dade, e cila ka mbuluar rrethin e Kolonjës.  Znj. Dade është një nga pretendentet e mundshme si kandidate për Presidente të Republikës.

Kryetarja e grave socialiste, Olta Xhaçka, gjithashtu do të largohet nga Korça dhe mund të rikandidohet në kryeqytet. Një tjetër ikje nga Partia Socialiste është ajo e doktorit Ylli Ziçisti, deputet i rrethit të Devollit.  Socialistët për qarkun e Korçës pritet të kenë një listë jo plotësisht të rinovuar si në Gjirokastër, pasi pritet që dy emrat, ish-kreu socialist i Korçës, Ilir Pendavinji dhe ish-kreu socialist i Pogradecit, Ilir Xhakolli, të rikonfirmohen si deputet dhe pjesë e listës fituese të qarkut të Korçës.

Dy  emra të rinj, të cilët kanë qenë pjesë e listës të vitit 2013, mund të jenë në zonën fituese të listës për qarkun e Korçës. Ata janë Ana Verushi, kryetare e Këshillit të qarkut Korçë, si dhe  prefekti Ardit Konomi, ndërkohë pritet konfirmimi i emrave të tjerë plotësuese në listë. Duket se socialistët në Korçë do të kenë një listë të fortë politike,  që drejtohet nga zv. kryeministri dhe drejtuesit më të lartë të institucioneve vendore. /CityNews

 





Lajmet e fundit nga