web counter
LEXO PA REKLAMA!

SHKARKO APP

App Store
Google Play

Universiteti i Mjekësisë bllokon zgjedhjet për shefat e klinikave

6 Shkurt 2017, 11:22, Aktualitet CNA

Universiteti i Mjekësisë zhvilloi zgjedhjet më 20 prill të vitit 2016, ku u zgjodhën rektori Arben Gjata, dekan Xheladin Draçini, shefe e Fakultetit të Mjekësisë Dentare, Edita Xhajanka, si dhe shefja e Fakultetit të Shkencave Mjekësore Teknike, Tatjana Çina.

Gjithashtu, ?Mjekësia? zgjodhi dhe shefat e departamenteve përkatëse, por la në harresë shefat e klinikave. Ndonëse kanë kaluar plot 10 muaj nga zgjedhjet, burime konfidenciale i thanë CityNews se ky universitet nuk ka zgjedhur ende shefat e klinikave.

Me zgjedhjet e përfunduara është mbyllur procedura për stafin, i cili bën pjesën teorike të mësimit, por jo për atë të praktikës. Universiteti i Mjekësisë ka bllokuar zgjedhjet për shefat e klinikave, që është një hallkë e rëndësishme, ku studentët bëjnë praktikën.

Nuk ka asnjë sqarim deri më tani nga drejtuesit e universitetit për bllokimin e këtyre zgjedhjeve, por diçka është e sigurt se gjithçka po bëhet për qëllime klienteliste.

Rektori Gjata synon të ushtrojë një kontroll të plotë dhe të ketë në dorë gjithë piramidën drejtuese, që përfshin dekanatet, shefat e departamenteve, por edhe shefat e klinikave ende të pazgjedhur.

Procesi i zgjedhjeve në Universitetin e Mjekësisë, më shumë se në çdo institucion tjetër, duhet të jetë i hapur dhe transparent, por në fakt ndodh e kundërta, edhe aty ku buron dija ka zënë rrënjë intriga dhe klientelizmi për interesa të një grupi të vogël njerëzish./CityNews





Lajmet e fundit nga