web counter
LEXO PA REKLAMA!

SHKARKO APP

App Store
Google Play

PS ndryshime rrënjësore në Qarkun e Vlorës/ Ja lista e re e deputetëve

6 Shkurt 2017, 15:52, Aktualitet CNA

Partia Socialiste po mbyll listat e kandidatëve për deputetë, në prag të zgjedhjeve të 18 qershorit. Pas qarkut të Gjirokastrës, Korçës dhe Elbasanit, ndryshime pritet të ketë edhe në listën e socialistëve për qarkun e Vlorës.

CityNeës iu sjell ndryshimet dhe listën e re të mundshme edhe në qarkun e Vlorës për Partinë Socialiste.

Qarku i Vlorës pritet të ketë një ndryshim thuajse të plotë të listës që Partia Socialiste do paraqesë në zgjedhjet e 18 qershorit. Një nga deputetët e larguar dhe që nuk do jetë më pjesë e listës është super deputeti Koço Kokëdhima.

Një emër i ri në këtë qark është ministri i Energjitikës, Damian Gjiknuri, i cili prej disa kohësh është emëruar si koordinator për socialistët në këtë qark.

Vetë kryeministri Edi Rama ende nuk e ka konfirmuar rikandidimin e tij në Vlorë, por me shumë gjasa ai do të kryesojë listën në Tiranë në zgjedhjet e ardhshme.

Një emër i ri që mund të hyjë në listën e kandidatëve të qarkut Vlorë është ish-kryebashkiaku Shpëtim Gjika, i cili ka ulur tonet me kryeministrin Rama dhe së fundi është emëruar koordinator për Bashkinë e
Selenicës.

Emri tjetër që nuk do të jetë më në listën e socialistëve është Mira Shehu, deputetja e cila u pa në krah të Kokëdhimës gjatë përplasjeve të tij të fundit me kreun e qeverisë.

Zonja Leskaj, nënkryetarja e Kuvendit, është një tjetër emër, që së bashku me deptutetët Fatmir Toçi dhe Andrea Marto mund të mos jenë më pjesë e listës së Vlorës. Leskaj pritet të kandidojë diku tjetër, Toci dhe Marto janë në pikëpyetje për të ardhmen e tyre si deputetë socialistë.

Lista e Vlorës nga viti 2013 do të ketë një ndryshim mjaft të madh po të kemi parasysh se 4 vite më parë atje u zgjodh deputet vetë kryeministri Rama apo emrat e sipërpërmendur./CityNews





Lajmet e fundit nga