web counter
LEXO PA REKLAMA!

SHKARKO APP

App Store
Google Play

Ambasada kineze dërgon gjeneralin në Bulqizë

6 Shkurt 2017, 14:46, Aktualitet CNA

Në minierën e Bulqizë këtë uikend ndodhi fatkeqësia e rradhës. Nga një shpërthim gazi pati shembje në minierë. Si rezultat i shembjes mbetën të plagosur 10 minatorë kinezë, 3 prej tyre janë në spital në gjendje të rëndë. Tre minatorë të tjerë mbeten të bllokuar në galeriëtë e minierës të nivelit 16. Kina me 1 miliard e 3oo million banorë, për të mbikqyrur veprimet e dispozitivit avaro-shpëtues kinezo-shqiptar dërgoi në Bulqizë 3 diplomatë të saj, përkatësisht zv/shefin e misionit z. BaiJunbin, atasheun ushtarak, gjeneralin e brigadës Liu Xinjiang dhe 007-tën e ambasadës z. Cheng Kailong.

Natyrisht 7 marinarëve shqiptarë në Sardenjë nuk u rrezikohet jeta si 11 minatorëve kinezë në Bulqizë, por gjithsesi ata janë në telashe meligjin italian, prandaj edhe kanë nevojë për ndihmën e diplomatëve shqiptarë në Romë. Nuk pretendojmë aq shumë sa të dërgohet në Kaljari oficeri i kontaktit i policisë shqiptare në Ambasadën e Shqipërisë në Romë e as atasheu i mbrojtjes, por të paktën një interesim minimal për marinarët e bllokuar në Sardenjë duhet ta kishte marrë ambasada jonë në Romë.

Kur Kina me 1 miliard e 300 milion banorë interesohet për fatin e 13 kinezëve në Bulqizë (madje edhe gjatë pushimit të fundjavës), po ambasada jonë pse vallë nuk i interesohet për 7 marinarët durrsakë në Kaljari të Sardenjës?! Le të shpresojmë që Dikasteri Bushati në të ardhmen të marrë shembull nga eficenca, humanizmi përgjegjshmëria dhe operativiteti, që tregojnë diplomatët kinezë në Tiranë!/GJERGJ THANASI





Lajmet e fundit nga