web counter
LEXO PA REKLAMA!

SHKARKO APP

App Store
Google Play

E fundit!

x

Mediat shqiptare flasin turqisht

6 Shkurt 2017, 16:41, Aktualitet CNA

Prej disa vitesh, televizionet shqiptare flasin turqisht në kuptimin e drejtë të fjalës.

Mjafton të hedhësh një sy në programacionin e televizioneve kryesore në vend dhe kupton që gati 30% e hapësirës kohore ?flet? turqisht.

Dikur, në mediat shqiptare transmetoheshin telenovela dhe seriale në gjuhën spanjolle dhe italiane, por duket se vitet e fundit, televizionet i kanë orientuar shikuesit drejt gjuhës turke.

Çdo ditë, me dhjetra telenovela dhe seriale turke transmetohen në televizionet shqiptare, duke e kthyer turqishten në gjuhën e dytë ?zyrtare? në vend.

TV Klan është televizioni që mban rekord për sa i përket telenovelave dhe serialeve në gjuhën turke. Po ashtu, edhe Vizion + transmeton 3 telenovale në gjuhën turke.

Nga ana tjetër, Top Channel vijon me traditën e saj me telenovelat dhe serialet në gjuhën italiane apo angleze.

Nga 3 televizionet më të ndjekura me karakter edhe argëtues, rezulton se dy prej tyre transmetojnë telenovela dhe seriale në gjuhën turke, të cilat zënë një hapësirë të madhe kohore në programacion.

Edhe në vendin fqinj, në Kosovë, numri i telenovelave dhe serialeve turke është i konsiderueshëm, ndoshta më i madh se në Shqipëri.

Ndoshta kultura turke me atë shqiptare janë deri diku të përafërta dhe shikueshmëria është e madhe, por nga ana tjetër përdorimi kaq i madh i gjuhës turke në televizionet shqiptare mund të ndikojë në vijimësinë e përhapjes së kulturës së turke në vendin tonë.

Mediat shqiptare, gjuhë të dytë zyrtare kanë turqishten për shkak të telenovelave dhe programacionit të tyre./CityNews





Lajmet e fundit nga