Ja vendet e pazhvilluara që përdorin me sukses votimin elektronik

28 Janar 2017, 20:27, Aktualitet CNA

Ish-kryeministri Sali Berisha mbështet peticionin e të gjitha partive opozitare të vendit për aplikimin e votimit elektronik dhe nxjerrjen në kohë reale të rezultatit.

Berisha publikon në rrjetet sociale mesazhin e ekspertit votimit dixhital, duke thënë se një mënyrë të tillë votimi e përdorin me sukses të plotë jo vetëm vendet e zhvilluara, por edhe vende të tjera. Ai rendit disa vende të botës së tretë, të cilët kanë futur këtë mënyrë votimi në zgjedhje, prej disa vitesh.

Ja mesazhi i plotë:
Eksperti i votimit dixhital informon:
Votimin dixhital e perdorin me sukses te plote jo vetem vende te zhvilluara si SHBA, Britania e Madhe etj, por edhe vende te tjera si:
-Nigeria, qe nga viti 2007
-Gana, qe nga viti 2010
-Somalia, qe nga viti 2015
Une mbeshtes plotesisht peticionin e te gjitha partive opozitare te vendit per aplikimin e votimit dixhital per votimin dhe nxjerrjen ne kohe reale te rezultatit.
Sistemi dixhital shmang nje seri pretendimesh dhe perpjekjesh per manipulimin e zgjedhjeve dhe ju ben te mundur qe te votojne on line mbi 1.2 milione emigranteve shqiptar qe deri tani vetem formalisht i kane emrat ne listat e votimit sepse nuk votojne dot. Me poshte keni mesazhin e tij! sb
“Doktor, uroj te jeni mire! Persa i perket votimit biometrik, desha te ju thosha qe 21 milion votues nigerian, e kane perdorur sistemin biometrik te votimit qe ne vitin 2007, Somalia ne 2015 dhe Gana pas vitit 2010 e cila njihet edhe si shteti simbol persa i perket saktesise ne votime. Ta mendosh qe ne ne Europe ne 2017, diskutojme akoma kete gje. Nje detaj interesant eshte fakti qe ne momentin e regjistrimit te shenjave te gishtave, sistemi identifikon ne cast votuesin dhe i behet nje fotografi e cila bashke me te dhenat, printohet ne leter. Sistemi automatikisht dedekton duplikatat dhe KQZ mund te lidhet me Cloud me cdo user lokal dhe te publikoj rezultatin ne kohe reale. E gjitha kjo shmang vjedhjen, blerjen dhe kohet e gjata te pritjes se rezultateve apo dhe shmangjen e paleve te cilet dalin para kohe per te dhene rezultateve ne TV. E gjitha eshte nje kulture tjeter nga e jona, por qe neve e meritojme.”/CityNews