Nga Ylli Dylgjeri/ Për cilët qen e ka fjalën Kryeministri?

28 Janar 2017, 19:09, Aktualitet CNA

Sot në një reagim në FB ndaj intervistës së dhënë dje nga Ministri i Mjedisit Lefter Koka në TV Ora News, Kryeministri im, Edi Rama, pasi ka vënë në dukje arritjet e Policisë së Shtetit, e ka mbyllur reagimin me fjalët:

Qentë le të lehin, karvani ecën perpara… Shprehje kjo e dëgjuar herët nga brezi ynë, thënë nga Enver Hoxha në një fjalim.
E përsëritur në mënyre korrekte kjo thënie e Enverit është një përgjigje për afro 50 vjet me radhe ndaj kritikave të botës së lirë ndaj sistemit tonë të diktaturës së proletariatit.
Pra Enver Hoxha e përdorte për kundërshtarët e sistemit komunist fjalën qen, dhe karvani ishin komunistët dhe shoqëria që i ndiqte ato. Pra shprehja, ishte fyerje ndaj “botës kapitaliste dhe revizioniste që na rrethonte”.

Po zoti Rama nda kujt e përdor këtë shprehje?

Thënë troç, qentë këtu janë ministrat e kabinetit, apo kundërshtarët e brëndshëm që bashkëpunon çdo ditë për të realizuar programin qeveritar.
Janë aleatët në koalicion që duke u përdorur për to, është një shprehje shumë fyese e cila përbën skandal në gojën e të Parit të qeverisë. Nëse ministri apo ministrat janë “qen” që s’vlejnë, atëherë duhen hequr nga kabineti. Eshtë në tagrin e Tij ti heqë këto “qen” që s’vlejnë më për Të.
Këtu s’ka ekuivoke. Edhe në shkollën e qenve të Ministrisë së Brendshme kur nuk ju binden apo nuk arrijnë programin mësimor, qentë e drogës shpallen në ankandin e shitjes. Nëse Kryeministri e ka pastaj këtë shprehje për qentë e rrugës (që s’ka mundësi), dhe kjo sërisht bie sepse sot ato Kryetari i Bashkisë i ka tredhur e matrikulluar, kështu që se trembin më karvanin.
Nëse komunikimi do të vijojë kështu; atëherë nuk bëhet më fjalë për vazhdimësi pune me aleate. Nuk bëhet fjalë për qeveri. Në gjuhën e Kryeministrit kjo mardhënie mund të jetë vetëm një qenëri.

*Foto e mëposhtme shoqëron shkrimin e Ylli Dylgjerit