Emrat- Deputetët socialistë kundër LSI/ A po i vjen fundi qeverisë Rama-Meta ?

28 Janar 2017, 17:54, Aktualitet CNA

Sekretari i grupit parlamentar të LSI, Petrit Vasili, Ministri i Mjedisit, Lefter Koka dhe Ministri i Drjtësisë Ylli Manjani, kanë lëshuar akuza të forta ndaj institucioneve të drejtuara nga aleatët e tyre në qeveri, Partia Socialistë.

Vasili ka këshilluar deputetët e LSI të kenë kujdes pasi policia po tenton ti fusë drogë në makinat e tyre, ndërsa ministri i Mjedisit akuzoi rëndë kryebashkiakun socialist Vangjush Dako dhe Policinë e Durrësit.

Nga ana tjetër, Ministri Manjani, ka akuzuar shpesh herë Ministrin e Brendshme për çështjen e Kanabisit si dhe për atë të Klement Baliliat.

Deklaratat e përfaqësuesve të LSI, nuk kanë kaluar pa replika nga kampi socialist. I pari që reagoi ishte deputeti Pjerin Ndreu. Më pas erdhën regimet e Eduart Ndoca dhe Vladimir Kosta (Eksluzive për citynews.al). Por, kundër koalicionit me LSI ka edhe emra të tjerë nga Partia Socialiste, të cilët shpesh herë kanë pasur përplasje me aleatët. Deputeti Tom Doshi, edhe pse në letër figuron si i larguar nga PS, një nga faktorët kryesorë të socialistëve në veri, është ndër të parët që ka shprehur kundërshtitë e tij për koalicionin PS-LSI.

Disa emra të tjerë socialistësh të cilët kanë pasur përplasje me përfaqësues të LSI-së dhe që mund rreshtohen kundër koalicionit me partinë e Metës janë: Mistri i Energjitikës, Damian Gjiknuri, Ministri i Brendshëm Saimir Tahiri, deputeti Ulsi Manja dhe disa eksponentë të tjerë në parlament.

Emrat e mësipërm janë shprehur disa herë se Partia Socialiste nuk duhet të marrë kosto nga LSI, e cila po kërkon t?ja faturojë aleatëve problematikat, megjithëse ka 4 Ministri dhe drejtimin e shumë institucioneve që kanë dështuar.

Reagimet e deputetëve kundër LSI dhe përplasjet

Pjerin Ndreu: Se kush i genjen disa se ta kane shpirtin me dore se di ! Koka ne Stamboll e trupi ne Janine eshte lajtmotiv qe ka shire sa ka dashur…Shqiptaret jane te zgjuar tashme e dine te vleresojne…see you soon !

Eduart Ndocaj: Akoma duhet te kemi dileme per prishjen e koalicionit me LSI?! Ka ardhur momenti qe Rama te gjeje kurajen dhe t’i tregoje vendin Metes. Une, e mbeshtes e do e mbeshtes deri ne fund nese ai e gjene kete kuraje.

Vladimir Kosta: Ndarja me LSI është e vonuar. Nuk na bashkon asgjë me ta. Ky mund të jetë një qëndrim më radikal, por më mirë të qeverisë PS-PD se sa me Ilir Metën në koalicion. Duhet menjëherë të ndahemi nga LSI?, u shpreh Kosta në prononcimin e tij për cityneës

Ulsi Manja për Reformën ën Drejtësi kundër LSI/ Ky Parlament dhe kjo reformë do të mbahet mend gjatë në kujtesën e shqiptarëve, si reforma që mbajti ndezur shpresën se ky vend mund dhe do të bëhet si të gjitha vendet e Europës, ku duam të shkojmë. Gjithë të tjerat janë retorikë ose xhelozi protagonizmi të kësaj reforme, por përtej kësaj në fund ata që kanë fituar janë shqiptarët dhe unë në këtë pikë si anëtar i Komisionit të Posaçëm të Reformës në Drejtësi ndjehem mirë dhe i privilegjuar që isha pjesë e këtij parlament

Pa harruar edhe figura si Fatmir Xhafa, i cili gjatë mbledhjes së Kryesisë së Kuvendit në ditët e nxehta përpara miratimit të Reformës në Drejtësi iu drejtua Metës: Mirë dashuria iu ka ikur, të paktën ruani qetësinë./CityNews