web counter
LEXO PA REKLAMA!

SHKARKO APP

App Store
Google Play

Mos i jepni para policëve/ Do arrestoheni

28 Janar 2017, 13:26, Aktualitet CNA

Qindra qytetarë tentojnë të korruptojnë punonjësit e policisë, për ti shpëtuar ndëshkimeve administrative. Por, mësohet se gjatë muajit janar, shumë qytetarë , të cilët kanë tentuar ti japin rryshfet policëve janë arrestuar për mitdhënie.

CityNews mblodhi të dhëna nga arrestimet e Policisë së Shtetit për rastet e mitdhënies, ku rezultuan se ende pa u mbyllur muaji i parë i vitit, janë arrestuar 53 persona.

Mesatarja e arrestimeve po shkon në dy persona në ditë për rastet e mitdhënies. Qytetarët, kapen në shkelje të Kodit Rrugor dhe tentojnë të korruptojnë punonjësit e policisë, për ti shpëtuar gjobave. Por, kamerat e vendosura në trup, kanë shmangur një numër të madh të rasteve të korrupsionit.

Duke tentuar të korruptojë policin, qytetari jo vetëm që do të paguajë gjobën, por arrestohet, dhe ndaj tij rëndon vepra penale e mitdhënies.

Ndoshta është koha që qytetarët të heqin dorë nga dhënia e rryshfetit për të shpëtuar nga gjoba. Zbatimi i Kodit Rrugor është mënyra e vetme për ti shpëtuar gjobave si dhe aksidenteve.

Ryshfeti ndaj punonjësve të policisë sipas Kodit Penal, dënohet nga 6 muaj deri në 3 vjet burg.

?Premtimi, propozimi ose dhënia, drejtpërdrejt ose tërthorazi, i çfarëdo përfitimi të parregullt, personit që ushtron funksionin publik, për vete ose për persona të tjerë për të kryer ose mos kryer një veprim, që lidhet me detyrën ose funksionin e tij, dënohen me burgim nga gjashtë muaj deri në tre vjet dhe me gjobë nga treqind mijë deri në një milion lekë?. /CityNews





Lajmet e fundit nga