web counter
LEXO PA REKLAMA!

SHKARKO APP

App Store
Google Play

E fundit!

x

Horror në maternitetin e Durrësit/Drejt Tiranës të gjithë pacientët, dhe të porsalindurit

28 Janar 2017, 10:16, Aktualitet CNA

Një ngjarje e rëndë ka ndodhur në maternitetin e Durrësit, ku një defekt elektrik ka nxjerrë jashtë të gjithë pacientët. Mësohet se defekti ka nxjerrë jashtë funksionit të gjitha pajisjet e maternitetit, duke detyruar transportimin e menjëhershëm të pacientëve drejt maternitetit të Tiranës. Mes tyre ka pas dhe foshnja të sapolindura me nënat e tyre.

Drejtori i Spitalit Rajonal të Durrësit, Alban Ramohitaj, dhe shefi i maternitetit, Arjan Prodani, në një konferencë për shtyp kanë sqaruar sot se zjarri shpërtheu në katin e katërt rreth orës 01:00 të natës, në një prej paneleve kryesore që furnizojnë me energji elektrike maternitetin. Si rezultat, katër gra që kishin kryer lindje me operacion dhe 17 fëmijë janë zhvendosur në katet e mëposhtme të maternitetit. Ndërsa dy gra që erdhën për lindje u dërguan në maternitetet e Tiranës.
Kati i katërt ku ra zjarri është kati më i rëndësishëm i maternitetit të Durrësit, se aty kryhen lindjet dhe operacionet. Ndërkohë tre kateve të tjera ku qëndrojnë pacientet edhe foshnjat, u është siguruar ngrohje dhe energji.
Për momentin, lindjet çezariane do të kryhen në Kirurgjinë e Durrësit ose dhe në kryeqytet. Prokuroria po heton mbi zjarrin./CityNews





Lajmet e fundit nga