Shpërthen Ministri i LSI: Kundërshtar i PS-së jemi ne, zgjedhjet në rrezik

27 Janar 2017, 20:52, Aktualitet CNA

Pas deklaratave se Grida Duma duhet të ishte zgjedhur në krye të Bashkisë së Durrësit, Ministri i LSI, Lefter Koka ka lëshuar një tjetër deklaratë të fortë kundër Partisë Socialiste.

Sipas tij, në qarkun e Durrësit, kundërshtari politik i PS është LSI-ja dhe jo PD.

Ai theksoi se kjo nuk është një lëvizje e kryeministrit Rama, por vjen nga eksponentë të caktuar, të cilët rrezikojnë edhe zhvillimin e zgjedhjeve pa standarte.

?Është e vërtetë, tensionet në një koalicion ndoshta janë të natyrshme dhe si burim kanë mosmbajtjen e fjalës ose të premtimit nga njëra palë. Ajo që sot evidentohet është ku unë do ta lokalizoj situatën në qarkun e Durrësit ku shoh shumë nga strukturat e larta të PS ku lajkmotivi i tyre me sipmatizantë të tyre është një dhe i vetëm: Nuk kemi kundërshtarë PD por LSI. Kjo nuk i shërben as të tashmes dhe as të ardhmes. Unë nuk mendoj që është kryetari i PS ose kryeministri që nxit të tillë komunikim me strukturat nga simpatizantë, por eksponentë të caktuar ku kanë kërkuar ti volvojnë dhe punonjës të policisë dhe kjo është akoma më e rëndë ku rrezikon të sjellë destabilitet dhe rrezikon të kemi zgjedhje jo me standarde. Është një gjë për të thënë, LSI në Durrës ndoshta mund të funksiononte me kreun e PD Oerd Bylykbashi, ose me Bashën, por nuk funksionon as me Lefter Kokën dhe as Ilir Metën.?, tha ai

Më tej, Koka akuzoi edhe Policinë e Shtetit, për të cilën tha se nuk duhet të ikin në drejtimin e paduhur. Ai tha se po bëhemi gazi i Europës me sasinë e kanabisit të kapur.

Sipas tij, detyra e policisë është të parandalojë një krim dhe jo më mos jetë në gjendje të parandalojë dot rritjen e një bime.

Ai tha se do të mbajnë përgjegjësi ligjore ata eksponentë të policisë që janë bashkëpunëtorë të ngushtë të atyre që kultivojnë, por njëkohësisht loja që sapo ka nisur për të bërë presion dhe për ta vënë policinë e shtetit në funksion të presioneve do të marrin përgjigjen e merituar.

?Do të kërkoja ti bëja thirrje në fakt eksponentëve të policisë së shtetit mos ikën në drejtim të paduhur, drejtimi i duhur është të ruajnë rendin. Po shohim këtë fenomen të rëndë, ku po bëhemi gazi i Europës me sasinë e kanabisit të mbjellë në territor dhe këto fenomene kanë bërë që të ketë pasur edhe reaksione, sic ishte zoti Manjani. Detyra e policisë është të parandalojë një krim dhe jo më mos jetë në gjendje të parandalojë dot rritjen e një bime.

Janë qindra punonjës të policisë që paguhen nga taksapagues shqiptarë dhe nuk duhet të jenë tutorë disa të fortë në qytete të ndryshme. Sot nuk ka të fortë. Do të mbajnë përgjegjësi ligjore ata eksponentë të policisë që janë bashkëpunëtorë të ngushtë të atyre që kultivojnë, por njëkohësisht loja që sapo ka nisur për të bërë presion dhe për ta vënë policinë e shtetit në funksion të presioneve do të marrin përgjigjen e merituar.?, tha Koka