web counter
LEXO PA REKLAMA!

SHKARKO APP

App Store
Google Play

E fundit!

x

Basha në Berlin/ Potterring: Politika e lidhur me krimin, e papranueshme

27 Janar 2017, 17:01, Aktualitet CNA

Kryetari i PD ka zhvilluar sot një vizitë në Berlin me Dr. Hans-Gert Pöttering, Presidentin e Fondacionit Konrad Adenauer (KAS) të CDU-së.

Përmes një postimi në rrjetet sociale, Basha shprehet se diskutoi me Presidentin Pöttering për çështjet kryesore politike që po kalon vendi, si dhe sfidat që duhet të kapërcejmë.

Nga ana tjetër, Pottering është shprehur se thelbi i demokracisë europiane janë zgjedhjet e lira dhe llogaridhënia e politikës.

Sipas tij, politika e lidhur me krimin dhe e zhytur në korrupsion janë të papajtueshme me vlerat europiane.

Postimi i Bashës

Stacioni i fundit i takimeve të mia në SHBA dhe BE është Berlini.

Sot zhvillova një takim me Dr. Hans-Gert Pöttering, Presidentin e Fondacionit Konrad Adenauer (KAS) të CDU-së të Kancelares Merkel dhe ish President i Parlamentit Europian.

I shpreha Presidentit Pötering mirënjohjen e sinqertë për mbështetjen e jashtëzakonshme të Fondacionit KAS për Partinë Demokratike, veçanërisht në mundësimin e ekspertizës gjermane për hartimin e politikave publike të qeverisjes sonë të ardhshme dhe përgatitjen e politikanëve të rinj të PD-së. Ai më siguroi për vazhdimin e kësaj mbështetjeje si pjesë e rëndësishme e bashkëpunimit të ngushtë midis PD dhe CDU.

Diskutova me Presidentin Pöttering për çështjet kryesore politike që po kalon vendin, si dhe sfidat që duhet të kapërcejmë. Me përvojën e gjatë politike dhe me njohuritë e jashtëzakonshme të politikës gjermanë dhe europiane, ai më këshilloi për rreziqet që e presin Shqipërinë nëse nuk mban dot zgjedhje të lira dhe nuk e pastron politikën nga kapja prej krimit dhe interesave korruptive.

Presidenti Pöttering u shpreh se thelbi i demokracisë europiane janë zgjedhjet e lira dhe llogaridhënia e politikës. Politika e lidhur me krimin dhe e zhytur në korrupsion janë të papajtueshme me vlerat europiane.

 





Lajmet e fundit nga