web counter
LEXO PA REKLAMA!

SHKARKO APP

App Store
Google Play

Dështimi i reformës në drejtësi/KED kapet nga politika

27 Janar 2017, 11:14, Aktualitet CNA

Sapo janë zgjedhur 9 anëtarët e Këshillit të Emërimeve në Drejtësi, të cilët pritet të kenë në dorë fatin e gjyqësorit në Shqipëri. 9 emrat e përzgjedhur vijnë nga një përvojë e gjatë në sistemin e drejtësisë. Të gjithë këta anëtarë kanë kaluar nëpër hallka të ndryshme, si nga Këshilli i Lartë i Drejtësisë, ashtu dhe nga Parlamenti.

Kjo hedh dyshime mbi lidhjet e tyre me politikën. Deri më tani sistemi gjyqësor në vendin tonë ishin i kapur nga politika, e cila e degradoi në një ?vorbull? korrupsioni, duke ngritur dhe nevojën urgjente të reformës në drejtësi. Por, duket se kjo reformë do të jetë në duart e njerëzve, që deri në këtë kohë kanë qenë të kapur politikisht.
Edi Rama, Lulzim Basha, Ilir Meta janë ata që kanë kontrolluar hallkat e ndryshmet të përzgjedhjes së personave, që sot janë anëtarë të KED. Të gjithë kanë përkatësi politike, të gjithë, kush më pak e kush më shumë, janë mbështetur nga forcat e ndryshme politike në vend, por asnjëherë ata nuk e kanë treguar përkatësinë e tyre politike, megjithëse në nivelet politike qëndrimet e tyre dihen dhe njihen mjaft mirë nga palët.

Reforma në drejtësi sot kaloi një hap të parë, që në fakt nuk tregon se sistemi gjyqësor nuk do të jetë i kapur dhe nuk do jetë nën influencën e politikës. Një reformë që kushtoi miliona euro, disa muaj tensione politike, përplasje dhe akuza, në fund ka prodhuar një produkt, i cili është tërësisht i kontrolluar politikisht. Secila nga palët ka përfaqësuesit e saj, por mesa duket njëra anë ka kontroll më të plotë mbi këtë këshill.
Rrjedhimisht lind pyetja: Nga cila parti janë kapur këta 9 anëtarë, që pritet të na vendosin drejtësinë?!
Shorti zgjodhi sot ?heronjtë?, përkatësisht: Vladimir Kriston, Besnik Imerajn, Mirela Fanën, Rovena Gashin, Brikena Ukperajn, Ervin Metallën, Gentian Trenovën, Fatjon Mencajn dhe Kastriot Selitën. Sa do e ?ndriçojnë? këta rrugën e drejtësisë në vendin tonë mbetet për t?u parë në vazhdim.

Një fakt është i vërtetë të shumica janë të kapur politikisht./Citynews





Lajmet e fundit nga