web counter
LEXO PA REKLAMA!

SHKARKO APP

App Store
Google Play

VIDEO/ Sekuestrohen 425 kg kanabis, 6 persona në pranga

27 Janar 2017, 08:18, Aktualitet CNA

Një tjetër operacion i koduar nga ana e policisë, ka rezultuar me sukses, ndërsa kanë sekuestruar në cilësinë e provës materiale një sasi të konsiderueshme lënde narkotike.

Policia në Fushë-Krujë ka arrestuar gjashtë shtetas dhe një e ka shpallur në kërkim, ndërsa ata posedonin drogë dhe armë.

Në sajë të operacionit të koduar “Koordinimi”, janë sekuestruar 425 kg lëndë narkotike Cannabis Sativa, 12 armë zjarri e municion luftarak.

?Arrestohen Bledar Coraj, 36 vjeç; Egli Selaci, 28 vjeç; Shkëlqim Miri, 47 vjeç; Amarildo Mulleti, 30 vjeç; Durim Demiri, 24 vjeç; Hysni Demiri, 59 vjeç dhe një shpallet në kërkim, P.D.

Në zonën e Fushë-Krujës, nga Drejtoria për Hetimin e Narkotikëve dhe Trafiqeve, nën koordinimin e Prokurorisë pranë Gjykatës së Shkallës së Parë për Krime të Rënda, në bashkëpunim me Drejtorinë e Forcës së Posaçme Operacionale si dhe me Drejtoritë Vendore të Policive Tiranë dhe Durrës, forcat policore kanë ndërhyrë në aksin rrugor Fushë Krujë- Vorë, në momentin që do kryhej shkëmbimi i lëndës narkotike.

Si rezultat i ndërhyrjes është sekuestruar në një automjet furgon që ndodheshin shtetasit Bledar Coraj dhe Egli Selaci, rreth 170 kg Cannabis Sativa. Ndërsa pjesa tjetër e lëndës narkotike është sekuestruar në banesat e personave të arrestuar. /CityNews





Lajmet e fundit nga