web counter
LEXO PA REKLAMA!

SHKARKO APP

App Store
Google Play

“Balili”/Tahiri: I ka ditët e numëruara, Këshilli i Sigurisë nuk u mblodh as për Lazaratin

27 Janar 2017, 12:26, Aktualitet CNA

Ministri i Brendshëm, Saimir Tahiri, komentoi nga qyteti i Beratit vendimin e Presidentit Bujari Nishani për mbledhjen e Këshillit të Sigurisë, për mos arrestimin e Klement Balilit. Në fjalën e tij gjatë analizës së Policisë së Shtetit në Berat, ministri Tahiri theksoi se në Shqipëri nuk do të ketë të paprekshëm dhe të gjithë do jenë të barabartë para ligjit.

?Ne jemi shumë të bindur që beteja jonë më e madhe është të reagojmë që në Shqipëri ? sot, nesër e në vazhdim ? të mos ketë të paprekshëm dhe qytetarët të jenë të gjithë të barabartë para ligjit. Dhe pikërisht për shkak të këtij, ose më saktë shfaqet në vendin tonë, kemi ndërmarrë aksione, bashkë me partnerët, të cilat kanë dhënë rezultate të shkëlqyera. Këto ditë po çuditet publike me thirrjen e Presidentit të Republikës Këshillit të Sigurisë për Balilin. E në fakt çuditet publiku, sepse Këshilli i Sigurisë nuk është mbledhur as per Lazaratin. Po çuditet publiku pasi Këshilli i Sigurisë nuk është mbledhur as kur Lazarati ishte aty. Megjithatë unë jam shumë i kënaqur të informoj Këshillin e Sigurisë dhe pa asnjë diskutim edhe Presidentin e Republikës, i cili për arsyet e veta është i pa informuar. Por jam akoma më i bindur që asnjë pengesë, asnjë insinuat politike ose jo nuk do më ndalonte kurrë mua dhe aq më pak policinë e Shtetit të bënte detyrën ndaj atyre që deri dje ishin të pandëshkueshëm dhe atyre që deri dje ishin të pabarabartë dhe që nuk i prekte njeri?, tha Tahiri.
Më tej, ministri paralajmëroi arrestimin e ?Eskobarit të Ballkanit?, teksa tha se i ka ditët e numëruara.
?E Balil e Balila mund t?i kenë ende ditët e numëruara, por shumë shpejt do të jenë përpara drejtësisë. Kjo është detyra jonë dhe ky është vullneti ynë për të garantuar që qytetarët shqiptarë të mos kenë më nëpër këmbë të pandëshkueshëm?, përfundoi ministri./CityNews





Lajmet e fundit nga