Meta përdor Adriatik Llallën kundër PDIU

27 Janar 2017, 20:14, Aktualitet CNA

Kreu i LSI, Ilir Meta, duket se ka një as nën mëngë për sa i përket sulmeve që vijnë nga Prokuroria ndaj kundërshtarëve të tij politik. Ai është kryeprokurori Adriatik Llalla.

Zhvillimet e fundit në lidhje me dekriminalizimin kanë, hetime të cilat janë nisur nga Prokuroria e Përgjithshme, kanë bërë të mundur heqjen e mandatit për 2 deputetë dhe një kryebashkiak, Dashamir Tahiri, i PDIU-së, Elvis Rroshi kryebashkiak i PS dhe Shkëlqim Selami, i zgjedhur nga listat e LSI.

Ky i fundit duket se është më shumë për mbulim politik, për të dhënë idenë se edhe një deputeti të LSI i është hequr mandati, por në fakt , Selami shihej më shumë si deputet i PS se sa i Metës, kjo për shkak të afrimitetit me kryeministrin Edi Rama.

Ndërkohë, disa emra të tjera janë publikuar nga prokuroria si deputetë që nuk kanë deklaruar të dhëna të sakta në formularin e dekriminalzimit. Ato janë Aqif Rakipi i PDIU-së, Gledion Rahovica i LSI-së dhe Omer Mamo, sërish deputet i PDIU-së.

Nga 5 deputetë të dalë nga burimet e prokurorisë si persona të inkriminuar, ku dy prej tyre tashmë janë larguar, rezulton se 3 prej tyre janë zgjedhur nga listat e PDIU-së.

Duket se Partia e ?Çamëve? po merr një goditje të fortë, pasi në grupin parlamentar i PDIU-së përbëhet nga 7 deputetë, pra gati gjysma e tyre, sipas prokurorisë rezultojnë me probleme me drejtësinë.

Nga 140 deputetë që janë në parlament, kryeprokurori Adriatik Llalla, duket se është fokusuar tek grupi parlamentar i PDIU-së, a thua se në radhët e PS, PD dhe LSI nuk ka të inkrimuar. Llalla ka lene partite e medha per tu fokusuar tek PDIU qe duket te jete nje gjemb ne kemben e Ilir Metes. Janë 30 deputetë që rezultojnë me probleme me drejtësinë, por Adriatik Llalla, i përdorur nga Meta, sulmin e drejton vetëm ndaj PDIU-së.

Arsyet

Sulmi i prokurorisë me urdhër të Metës ndaj PDIU-së, filloi menjëherë pasi kjo forcë politike u bë pjesë e qeverisë dhe i rrezikuar nga çamët, kreu i LSI, i ?xhindosur? nisi ?luftën? përmes Adriatik Llallës.

Gjysma e grupit parlamentar të PDIU-së, ndodhet nën hetim, jo vetem nga prokuroria edhe publikisht. Në organin e akuzës bëhet me dije se janë rreth 30 deputetë që po hetohen, por burimet e prokurorisë bëjnë publike emrat e deputetëve të PDIU dhe ndonjë deputeti të PS apo PD, publikohen pikerisht ata qe i duhen Metës.

Dekriminalzimi duket se po kthehet në gjueti shtrigash ndaj PDIU-së, por edhe ndaj kryeministrit Edi Rama, i cili mund të përdorë partinë e Shpëtim Idrizit si një alternativë të LSI në rast se Meta bën ?kapriço? apo largohet nga koalicioni.

Në fakt, përveç Adriatik Llallës, duket se Meta po përdor edhe Presidentin e Republikës Bujar Nishani, për të sulmuar Ramën dhe për të larguar opinionin e krijuar se Klement Balili është njeri i LSI. Ai i kërkoi Nishanit mbledhjen e Këshillit të Sigurisë për arrestimin e ?Eskobarit? të Ballkanit për të dhënë idenë se ai dëshiron që Balili të hetohet dhe rrjedhimisht për të krijuar idenë se nuk mbrohet nga vetë Meta./Citynews