E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Arrestimi i djalit të atasheut shqiptar me drogë/ A është e përfshirë ambasada jonë në trafik ?

28 Janar 2017, 15:05, Aktualitet CNA

Djali i atasheut shqiptar në Turqi, Razije Mehmeti, është arrestuar disa ditë më parë në Itali pasi u kap me një sasi të madhe droge.

Kjo detyroi Ministrinë e Mbrojtjes të merrte masa ndaj atashehut shqiptar ushtarak në Turqi. Mehmeti u largua nga detyra.

Në një njoftim të Ministrisë së Mbrojtjes, thuhet se autoritetet shqiptare i kanë hequr djalit të Mehmetit pasaportën diplomatike duke lejuar autoritet italiane që të ndjekin procedurën për zbatimin e ligjit.

Në fakt, çështja është më e ndërlikuar se kaq. Në këtë rast përfshihet edhe ambasada shqiptare në Turqi sepse i arrestuari është djali i atasheut shqiptar në këtë shtet.

Ka dyshime të forta për dijeninë e ambasadorit shqiptar në Turqi, Gent Gazheli, ish kryefinancieri i Partisë Socialiste dhe drejtori i Pastrimit të Parave.

Mediat ndërkombëtare, kryesisht ato italiane raportojnë se ka një linjë të trafikut të drogës midis Turqisë- Shqipërisë dhe Italisë. Kjo ngre dyshime për përfshirjen e Gazhelit në këtë çështje.

Arrestimi i djalit të një diplomati shqiptar për drogë nuk mund të kalohet me një shkarkim apo heqjen e pasaportave diplomatike.

A ekziston linja e drogës e drejtuar nga ambasada shqiptare në Turqi ?

Burime konfidenciale thanë për citynews se ambasadori shqiptar në Turqi, Gent Gazheli, ka vizituar Shqipërinë në fundjavë. Një nga arsyet e kësaj vizite mund të ketë qenë edhe arrestimi i djalit të atasheut shqiptar në Turqi.

Faktet flasin për arrestimin e djalit të një diplomati për drogë si dhe për ekzistencën e linjës së trafikut Turqi-Shqipëri-Itali. Rrjedhimisht, përgjegjësia më e madhe bie mbi Gazhelin. Ai erdhi në Shqipëri, nuk dihet kë takoi dhe për çfarë diskutoi, por ka një fakt të pamohueshëm. G

Gazheli nuk ka thënë asnjë fjalë në lidhje me këtë çështje. Pse hesht ambasadori shqiptar në Turqi në lidhje me kapjen e djalit të diplomatit me drogë? Shqiptarët meritojnë një përgjigje dhe një hetim të plotë në lidhje për përfshirjen e Gazhelit në trafikun e drogës në linjën Turqi-Shqipëri-Itali./Citynews